Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

U infektua me Covid-19, flet deputeti i PS: Virusi është i rrezikshëm; apel qytetarëve

Politiko 30 Korrik 2020, 16:50

I infektuar prej disa ditësh me Covid-19, deputeti i Partisë Socialiste, Eljo Hysko, ka treguar më tepër rreth gjendjes së tij shëndetësore. Përmes një postimi në rrjetet sociale, deputeti shkruan se është në gjendje të mirë shëndetësore, por që i është dashur të marrë edhe trajtim mjekësor.

Hysko u ka bërë apel qytetarëve të marrin masa mbrojtëse dhe të ruajnë distancimin social ndaj Covid-19, pasi ky virus është tepër i rrezikshëm.

 “Të dashur miq,

Ju falenderoj nga zemra për interesimin e sinqertë ndaj meje dhe familjes time pas publikimit të lajmit në media.

Fatmirësisht gjendja ime shëndetësore pas trajtimit mjekësor është shumë e mirë.

Mirënjohje për punonjësit e palodhur të shëndetësisë që këto ditë përballen me rrezikun dhe punojnë për të shpëtuar jetë.

Virusi është i rrezikshëm dhe ka goxha pasoja serioze ndaj jua them nga zemra bëni kujdes vendosni maskën, ruani distancimin social dhe higjenën personale.

Le t’i japim një dorë mjekëve në punën e tyre duke u bërë edhe më të kujdesshëm në jetën tonë të përditshme”, shkruan deputeti.

Kujtojmë se, Hysko është konfirmuar i infektuar me Covid dy ditë më parë bashkë me dy kolegët e tij, Ralf Gjoni dhe Enver Roshi.

Të fundit