Flash News

Ceno Klosi me mbi 800 vota të vjedhura, Balluku gjen si arsye lodhjen e numëruesve

"Fast & Furious" në ish-Bllok, policia ndjek një Audi Q8, përplasen 4 makina

Makina përplas dy turistë me motoçikletë në Fushë Arrëz, humb jetën njëri prej tyre

Aksident i rëndë në Thumanë, një i vdekur, 3 të plagosur

Gjykata e Durrësit pezullon nga detyra drejtorin e Arsimit Parauniversitar

KRYESORE

"U kërkua gjak për skulptorin Arben Bajo", mjeku Pipero: Plazma imune nuk kryhet në Shqipëri

Politiko 9 Gusht 2020, 17:52
"U kërkua gjak për skulptorin Arben Bajo", mjeku Pipero:

Mjeku i njohur Pëllumb Pipero, është shprehur se familjarët e skulptorit Arben Bajo, i cili humbi jetën ditën e sotme si pasojë e COVID, kishin kërkuar gjak për artistin, i grupit A-NEGATIV nga një person që ka kaluar koronavirusin.

Pipero ka shpjeguar për "Panorama" se plazma imune ka dhënë rezultate optimiste, por në Shqipëri nuk është e mundur të realizohet një operacion i tillë.

“Plazma imune është plazem e marrë nga gjaku i pacientëve që kanë qenë të sëmurë me Covid 19, janë shëruar dhe kanë krijuar një sasi të mjaftueshme antitrupash mbrojtës, ose antitrupa ndaj Covid 19. Se sa mbrojtës janë, duhen analizuar për sasinë e antitrupave neutralizues për covid 19, analizë që sot për sot nuk realizohet në shumë vende në botë. Kjo plazëm është futur në protokollin mjekues të Covid 19 ne shumë vende dhe kur përdoret në fazat e hershme të semundjes ka dhënë rezultate optimiste”, ka shpjeguar Pipero.

Sipas mjekut, edhe në Shqipëri po punohet për ta futur një praktikë të tillë.

“Në Shqipëri një praktikë e tillë ende nuk përdoret, por po punohet në bashkëpunim me nje ekip italian, në dijenine time, për të filluar sa më shpejt aplikimin edhe në vendin tonë", ka thënë Pipero.

Ndërsa është pyetur nëse mund të dërgohej jashtë vendit skulptori Bajo, duke iu nënshtruar një procesi të tillë, mjeku ka theksuar se plazma imune nuk mund të shikohet si “shpëtimtare” për sa kohë nuk ka evidenca dhe studime përfundimtare për këtë praktikë.

“Nuk mund te jap një përgjigje shteruese sa i takon mjekimit jashtë shtetit te Profesorit te arteve. Nëse shikohet plazma imune si ‘shpëtimtare’ do të thoja jo, pasi ende nuk ka evidenca dhe studime përfundimtare për këtë praktike. Mjekimi i Covid 19 është shumë kompleks dhe ende më shumë paqartësi!”, është shprehur Pipero.

Të fundit