U kritikua nga të gjithë për fejesën me Justin Bieber, reagon për herë të parë Hailey

Fejesa e papritur e modeles Hailey Baldwin me këngëtarin Justin Bieber ishte një surprizë të gjithë. Modelja u kritikua shumë për hapin që mori duke ditur dashurinë e këngëtarit kanadez për Selena Gomez dhe se partnerja e tij ideale sipas fansave është vetëm Selena. Modelja ka folur për herë të parë për “Stellar Magazine”, ku ka rrëfyer se kritikat janë të pashmangshme, por ajo është përqendruar vetëm tek e ardhmja e saj me Justin.

“Jam shumë e emocionuar. Kam mësuar të jap më të mirën time dhe të injoroj negativitetin, vetëm kështu mund ta shijoj këtë periudhë të jetës time. Gjithsesi komente të tilla nuk është se kanë patur ndikim tek unë.”- është shprehur ajo.