Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

U ngute zonja Ambasadore, mos e dekurajo valëvitjen e e flamurit! Shqiptaro-Amerikani i shkruan Yuri Kim

Politiko 3 Mars 2020, 12:01

U ngute zonja Ambasadore, mos e dekurajo valëvitjen e e flamurit!

Frank Shkreli, ish-drejtor i 'Zërit të Amerikës', e konsideron ngutje reagimin e ambasadores amerikane për përdorimin e flamurit të ShBA në manifestimin e Presidentit Meta dje në Bulevadin kryesor të Tiranës.

Sipas Shkrelit shqiptaro-amerikanët kanë pritur 50 vjet që ai flamur të valëvitet në trojet shqiptare dhe nuk duhet dekuruajur përdorimi i tij.

Ai shton se shqiptarët pikërisht te ky flamur e kanë shpresën.

Reagimi i plotë:

U ngute Zonja Ambasadore! Ne shqiptaro-amerikanët kemi pritur për 50-vjet për valëvitjen e Flamurit të Shteteve të Bashkuara në Shqipëri dhe në çdo kënd të trojeve shqiptare. Ke vetëm disa javë në detyrë, por mos u habit fare se, ndoshta nuk e keni venë re ende, por flamuri amerikan valëvitet gjithë andej dhe kudo në Shqipëri, në Kosovë dhe gjetkë.

Lotët e para të mia kur kam vizituar Shqipërinë me delegacionin e parë të Departamentit Amerikan Shtetit në mars/prill, 1991, ishin pikërisht në momentin kur për herë të parë vendosëm flamurin amerikan në makinën tonë diplomatike me të cilën udhëtuam anë e mbanë Shqipërisë, në atë kohë. Nuk qava nga mjerimi në të cilin e kishte sjellë komunizmi Shqipërinë e paraardhësve të mi, por qava se më në fund Flamuri i vendit tim, Shteteve të Bashkuara të Amerikës, po valëvitej i lirë në tokën e të parëve të mi. Ju lutem mos e dekurajoni përdorimin e flamurit amerikan në trojet shqiptare, madje edhe në manifestime të tilla, paqësore.

Flamuri amerikan vetëm të mira i ka sjellë atij kombi. Shqiptarët e dinë këtë, pa marrë parasysh keqqeverisjen e tyre për këto 30 vjet, nga udhëheqës që pretendojnë dhe kanë pretenduar se kanë mbështetjen e SHBA-ve dhe të ambasadorëve të saj të akredituar në Tiranë. Të kisha qenë në vendin tuaj, unë nuk do të kisha bërë ndonjë koment për valëvitjen e Flamurit Amerikan. Nuk i kontrollon dot më shqiptarët. Megjithë hallet e tyre të shumta, ata atje e kanë shpresën: Tek ky Flamur. Unë do isha shumë më i kënaqur për valëvitjen e Flamurit të Shteteve të Bashkuara me atë entuziazëm që valëvitet gjithmonë në Shqipëri. Kjo pas 50-vjet komunizëm, kur atëherë, vetëm të përmendje emrin e Amerikës, regjimi komunist të fuste në birucë. Duke e njohur deri diku atë histori, unë do isha shumë më i pakënaqur në qoftë se flamuri i vendit tim të adaptuar, Amerikës tonë të dashur që na ka dhënë strehim mijëra shqiptaro-amerikanëve si unë, ta shikonim në manifestime të tilla duke u djegur ose shkelur, ashtu siç ndodh shpesh në shumë vende të tjera të botës.