Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

U përfshi në ‘listën e zezë' të ndërtuesve, ish-deputeti socialist akuza Lames: Po sillet si gjobëvënës

Politiko 31 Maj 2018, 19:23

Kreu i ALUIZNI-t, Artan Lame, publikoi dje një “listë të zezë”, me emrat e 341 subjekte dhe persona të kompanive të ndërtimit të vend, administratorët, apo ortakët e tyre dhe ndërtimet që kishin bërë dhe që sipas Lames nuk duan t’i legalizojnë, sepse duan të mbajnë peng ata që kanë blerë banesat.

Pjesë e listës është edhe kompania “2K Group sh.p.k”, e cila është themeluar nga ish-deputeti socialist, Koço Kokëdhima dhe aktualisht administrohet nga bashkëshortja e tij, Brixhilda, vajza Era dhe një ortak tjetër i quajtur Ylli Muçaj.

Përmes një deklaratë, kompania hodhi poshtë pretendimet e Aluizni-t, duke sqarua se nuk ka ndërtuar asnjë ndërtesë në qytetin e Tiranës dhe as në Shqipëri, sepse është kompani që merret me menaxhimin e kompanive dhe jo kompani ndërtimi.

“Referimi i gabuar që bën ALUIZNI me publikimin e kësaj shoqërie te lista e subjekteve në shkelje jo vetëm që nuk gjen baza vërtetësie, por përbën edhe një shkelje të rende duke aluduar që pallati i ndërtuar në rrugën ‘Sitki Çiço’ është i palegalizuar. Ndërkohë që ai pallat jo vetëm që është ndërtuar në bazë të lejes së dhënë sipas respektimit të të gjitha kushteve teknike dhe ligjore, por edhe është kolauduar dhe hipotekuar.

Në lidhje me këtë, kjo godinë e ndërtuar nga firma ‘Sirius sh.a’. dhe jo ‘2K Group sh. p. k’ është hipotekuar e gjitha nga ZVRPP Tiranë. Shoqëria Sirius sh.a. përvec se ka pajisur të gjithë banorët me certifikatat e pronësisë, ka kaluar edhe kalvare të gjata proceduriale duke qenë se gjatë menaxhimit të zonës nga ZVRPP Tiranë është hedhur njolla e godinës gabim duke sjellë një spostim të hartës nga realiteti tek të dhenat që ka regjistruar hipoteka, duke gabuar në menaxhimin e godinave të hipotekuara. Është e papranueshme që të njolloset emri i subjekteve duke i dhënë publikut informacione të gabuara si dhe duke dëmtuar gjithashtu historinë e një shoqërie, e cila ka dhënë një kontribut të konsiderueshëm në qytetin e Tiranës, dhe jo vetëm, gjithmonë duke respektuar ligjin dhe njerëzit”, u shpreh shoqëria “2K Group sh.p.k”.

Gazeta Shekulli: Aluizni si gjobëvënës

Lidhur me listën e publikuar nga Artan Lame, reagoi edhe gazeta e Shekulli, e cila është pronë e Kokëdhimës. Sipas Shekulli-t, Aluizni ka tolëruar pjesën më të madhe të ndërtuesve qe abuzojnë ndërsa shtoi se për një marrë një çertefikatë duhet të pagush rryshfet në shuma të mëdha.

“Në listën e publikuar nga ALUIZNI janë edhe disa firma që kanë mashtruar me dhjetra qytetarë të cilët edhe pse kanë paguar paratë, janë mashtruar dhe sot sorrolaten dyerve të gjykatave, apo kërcënojnë me vetëgjyqësi, në pamundësi për të marrë pronën për të cilën kanë paguar.

Disa ndërtues, pas protestave të shumta të banorëve, kanë përfunduar në qeli dhe janë në pritje të gjykimit. Por kjo është një pjesë e vogël. Pjesa më e madhe janë si më parë në mëshirën e ALUIZNI-t dhe gjobave që vënë drejtuesit dhe insepktorët e saj.

Njësoj si në kohën e PD-së, kur nuk e merr certifikatën e ALUIZNI-t, nëse nuk paguan. Ka ndryshuar vetëm shuma e rryshfetit që duhet paguar, duke u rritur frikshëm. Nga Saranda në Shkodër, janë të shumta denoncimet e banorëve dhe të ndërtuesve për 20-30 mijë eurot që duhet të paguajnë për një ndërtim të vetëm.

Shumë drejtues dhe punonjës të zyrave vendore janë denoncuar, por asnjë prej tyre nuk është larguar, sepse mbrohet nga drejtuesit e ALUIZNI-t në Tiranë, duke treguar se si funksionon rrjeti mafioz i legalizimeve në vend, që mban peng pronat e qindra mijëra shqiptarëve”, shkruan ‘Shekulli’.