Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

U përjashtua nga ‘Nisma Thurje’? Reagon Rudina Hajdari: S’ka tërheqje nga projekti, nuk e di pse ka ardhur ky reagim nga Pano Soko

Politiko 6 Tetor 2020, 18:12
U përjashtua nga ‘Nisma Thurje’? Reagon Rudina Hajdari:

Reagon për Politiko.al deputetja Rudina Hajdari, për të cilën aktivisti i Nismës “Thurje”, Pano Soko deklaroi së fundmi se është ndërprerë bashkëpunimi mes tyre.

Ajo hedh poshtë versionin e Sokos, duke thënë se në dijeninë e saj nuk ka tërheqje nga projekti, madje javës që vjen pritet të lancohet edhe lëvizja e re politike.

“Lëvizja e re që po krijojmë quhet ‘Nisma’ dhe pjesë e saj janë edhe aktiviste të ‘Nismës Thurje’, por jo vetëm. Jemi një grupim i larmishëm profesionistesh e qytetaret, të cilët po kërkojmë ndryshim.

Nuk e kam ndjekur deklaratën e Panos, por nga komunikimet qe kam patur me drejtues të ‘Thurjes’, nuk di të ketë tërheqje nga projekti. Më vjen mirë që ajo që po bëjmë ka kaq shumë interes dhe ngjall kaq shumë debat në shoqëri. Ky është tregues se po lind diçka e shëndetshme.

Së bashku me anëtarë të ‘Nismës Thurje’, pedagoge, intelektuale e qytetare të thjeshtë jemi duke krijuar një lëvizje të re politike, e cila do të dallojë dukshëm nga formatet aktuale. Në këtë kontekst sot kam konfirmuar edhe njëherë mbështetjen e shumicës së personave që bëjnë pjesë në grupimet e sipërpërmendura dhe besoj brenda javës tjetër do te lancojme lëvizjen e re.

Nuk e di pse ka ardhur ky reagim nga z. Soko, por do të komunikoj me të dhe besoj do të sqarohet. Unë nuk jam pjese e ‘Nisma Thurje’, por së bashku me ta po formojmë një lëvizje të re e cila nuk ka pronar e nuk ka kryetar, por do të jetë lëvizja e parë në pronësi publike në historinë e vendit, për t’i dhënë qytetarëve atë ofertë politike që mezi e presin. Sigurish, që fillimi ka edhe paqartësi, por ju siguroj që çdo gjë do të qartësohet shumë shpejt”, u shpreh Hajdari.

Më herët, i kontaktuar nga Politiko.al, Soko tha se kusht i këtij bashkëpunimi me deputeten Hajdari ishin hapja e listave, i cili një ditë më parë nuk u arrit pas miratimit në Kuvend të draftit të PS, që jo vetëm nuk hap listat, por heq edhe koalicionet parazgjedhore.

“Kusht për bashkëpunimin tonë ka qenë hapja e listave, pasi dhe formati i mekanizmit të zgjedhur në bashkëpunim ishte i tillë që funksiononte vetëm me lista të hapura. Meqë listat nuk u hapen, mekanizmi u rrëzua”, tha aktivisti.

 

 

Të fundit