Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

‘U përpoqën të na vrasin shpresën, s’jemi pjesë e politikës!',mesazhet e artistëve nga protesta kundër shembjes së Teatrit Kombëtar

Politiko 18 Maj 2020, 17:40

‘U përpoqën të na vrasin shpresën, s’jemi

Mes mobilizimit të madh të forcave të rendit, ka nisur protesta kundër shembjes së Teatrit Kombëtar.

Protesta e thirrur nga Aleanca për Teatrin po mbështetet edhe nga opozita.

Mes mesazheve të forta, regjisori Edmond Budina theksoi se sot ai bashkë me pjesëmarrës të tjerë të Aleancës për Mbrojtjen e Teatrit, nuk ishin aty si përfaqësues të asnjë partie, por si qytetarë në mbrojtje të kulturës.

“Ftojmë ministrin e Brendshëm, ftojmë SPAK, që të hetojë këtë ngjarje, pasi ishte tentativë për vrasje, të artistëve që ishin brenda teatrit. Sot kontaktuam me faktorin ndërkombëtar, dhe kërkuam që të zbardhet kjo ngjarje dhe pse u sulmua kultura në këtë ditë gjatë kohës së pandemisë. Deri tani sigurisht kemi marrë një mbështetje, kjo ngjarje nxori në pah sistemin e drejtësisë. Ju jeni sot të shumtë në numër këtu, pasi simbolika e teatrit kombëtar, ishte qëndrimi në këmbë i demokracisë shqiptare. Pasi ajo godinë u shemb me ligje antikushtetuese. Ne u detyruam që të mbronim fizikisht godinë dhe u gjendëm të vetëm, pa asnjë mënyrë se si ta zgjidhnim. Dhe në mënyrë të tërthortë ne përcollëm problemet e demokracisë shqiptare. Ja pra që kjo godinë nuk ishte halli jonë, por dhe halli juaj. Shembja në mënyrë mafioze me goditje të përqendruar, nga ana e qeverisë, ishte për t’ju thënë juve se; “qytetaria ka vdekur”. Ishte për t’ju treguar juve se “ne nuk jemi të aftë t’ju sigurojë të drejtat”. Pra “ju nuk ekzistoni dhe Shqipëria nuk bëhet më”. Ata kujtuan se do shembnin godinën dhe se do ta bënin në mënyrë fizike. Por ajo ndërtoi një simbolikë më të fuqishme. U kthye në bumerang për qeverinë shqiptare. Ne një pjesë e aktivistëve, qytetarëve, njerëzve të kulturës, jemi këtu për të mbrojtur, për të vënë në krah dhe pah vlerat e qytetarisë shqiptare. Pjesëmarrja juaj e tregon më së miri. Ju lutem të tregojmë qetësi, Nuk jemi këtu kundër policisë. Ndaloni provokimet, urgjent. Ndaloni provokimet se nuk ka pikën e kuptimit. Është një lojë e pushtetit. Ne këtu nuk jemi për asnjë parti. Të dashur qytetarë, mbrojtësit e teatrit, nuk kanë ardhur këtu për protagonizëm politik. Nuk kemi asnjë interes politik. Qëllimi ynë i vetëm është zgjimi i qytetarisë. Armiku numër një nuk është vetëm qeveria që kemi në krye, por edhe mënyra se si ne jemi përleshur me njëri-tjetrin. Stop, tregoni vlerat e kulturës me njëri-tjetrin. Palët politike kanë detyrën se si të tregojnë mënyrën se si të ecë para vendi”, tha Budina.

Në fjalën e tij aktori Neritan Liçaj u shpreh se qeveria u përpoq të vrasë shpresën e artistëve dhe thekosoi se protesta e sotme nuk mund të ndalë shpresën.

“U përpoqën të na vrasin shpresën. Të ndëruar qytetarë u përpoqën të vrasin artin sepse arti forcon muskulin e fortë. Në atë skenë krimi ka mbetur një pjesë e imja.

Shpresën mbajeni me ju. Protesta për teatrin ka qenë si një qiri. Zoti kur e bëri këtë vend ka qenë i dashuruar, sepse vendi është shumë i bukur.

Të mos e urrejmë më këtë vend të bukur, por ta duam e ta përqafojmë”, tha Liçaj.