Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

U pranua nga 4 shtete, por Spanja bllokon deklaratën e përbashkët për shkak të Kosovës

Politiko 24 Prill 2018, 11:56
U pranua nga 4 shtete, por Spanja bllokon deklaratën e përbashkët

Samiti i përbashkët i Bashkimit Europian me vendet e Ballkanit Perëndimor do të zhvillohet gjatë muajit maj në Sofje të Bullgarisë. Në Samit ishte parashikuar që të dilej me një deklaratë të përbashkët.

Plani fillestar, sipas mediave spanjolle, ishte që deklarata të nënshkruhej edhe nga vendet kandidate dhe potencialisht kandidate për anëtarësim. Por, kjo ide është kundërshtuar nga Madridi dhe shkak për këtë është bërë Kosova.

“El Pais” thotë se Kryeministri Mariano Rajoy e refuzoi këtë me arsyetimin se nuk “dëshiron që të hedhë firmën e tij në të njëjtin dokument ku do të firmosin edhe udhëheqësit e territoreve që Spanja nuk i njeh si shtete”,

Megjithatë, si Bullgaria, që mban Presidencën e radhës të BE-së, ashtu edhe Brukseli mohuan që Spanja të kishte vendosur një veto të tillë, duke deklaruar se që në fillim ishte vendosur që deklarata e përbashkët të firmosej vetëm nga vendet anëtare të Bashkimit Europian.

Ndërkohë, Rumania, Greqia, Qipro dhe Sllovakia, katër vendet e tjera që së bashku me Spanjën përbëjnë pesë anëtaret e BE-së që nuk njohin Kosovën, “kishin shprehur gatishmërinë e firmosjes së një teksti të përbashkët, nëse Spanja do ta bënte këtë”, raporton Top Channel.

Të fundit