Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

U shkarkua nga Gjykata se ka kontakte me nipin e dënuar, reagon Bylykbashi: Prisni dhe pak!

Politiko 16 Korrik 2018, 17:17

U shkarkua nga Gjykata se ka kontakte me nipin e dënuar, reagon Bylykbashi:

Komisioni i Pavarur i Kualifikimit shkarkoi nga detyra sot gjyqtarin e Gjykatës Kushtetuese Gani Dizdari. Gjyqtari, sipas KPK-së, rezultoi me probleme sa i takon pasurisë dhe integritetit të figurës.

Trupa gjykuese vlerësoi se gjyqtari Dizdari ka kontakte të papërshtatshme dhe probleme me pasurinë. Sipas KPK-së ai ka kontakte me nipin e tij A.L., i dënuar vite më parë për “ushtrim të ndikimit të paligjshëm te personat që ushtrojnë funksione publike”.

Pas këtij vendimi ka reaguar dhe deputeti i PD-së Oerd Bylykbashi. Ai e kondideron “Vetingu dhe Banditingu, dy tehet e thikës së Ramës‎”. Më tej duke ironizuar shton, “Prisni edhe pak, se shpejti do te montojnë altoparlante tek ndërtesa e vitingut, që të degjoje e brohorasi "populli siç brohoriste në 1945 kur dënoheshin armiqtë e popullit nga gjyqët partizane me gjyqtarë që kishin zbritur nga mali”.

Reagimi i plotë i Oerd Bylykbashit:

Vetingu dhe Banditingu, dy tehet e thikes se Rames‎

‎Sot gjyqtari i fundit kushtetues u shkarkua nga komisioni i nepunesve administrative te vetingut. Perfundimisht prej sot, nga 9 anetaret e dikurshem, kemi vetem nje kryetar me mandat dhe nje anetare me mandat te perfunduar qe pret zevendesimin prej kohesh. Pra praktikisht kemi vetem nje anetar. Sot u vu gozhda e fundit mbi arkivolin e Gjykates Kushtetuese.

Edhe Gjyqtarit Kushtetues Dizdari‎, nepunesit e komisionit te vetingut i paskan gjetur nje shkelje te "tmerrshme" njesoj si Gjyqtarit te Larte Tome Ndreca. Eshte shoqeruar me nipin e tij qe qenka denuar per ushtrim te paligjshem te ndikimit mbi nje zyrtar shteteror. Madje paska udhetuar me makinen e tij. Tmerr, vertet krim te rende paska bere. Ka ndenjur me nipin!!! Si mund ta bente kete ai?!

E kuptoni apo jo cfare tallje me inteligjencen mesatare eshte kjo? Po Fatmir Xhafaj, drejtuesi i Forces impotente te Ligjit, ai qe rri, udheton, darkon, feston dhe mbron nga ekstradimi vellain e tij ‎te denuar per trafik kokaine, kur do te shkarkohet me te njejtin motivacion? Apo trafiku nderkombetar i kokaines eshte krim i lehte i bere ne moshe te re?‎ Mos valle eshte krim me i lehte se ai i nipit te gjyqtarit?

Sigurisht, eshte krim i lehte per Ramen qe mbrojti Elvis Rroshin per perdhunimin ne grup sepse na kishte qene ne moshe te re, apo mbrojti Sajmir Tahirin qe mbeshteste e mbronte kusherinjte trafikante e u jepte edhe makinen qe te udhetonin te qete.

‎Prisni edhe pak, se shpejti do te montojne altoparlante tek ndertesa e vitingut, qe te degjoje e brohorasi "populli" (i organizuar me projekte OJF-sh si ato te tendave te vetingut), sic brohoriste ne 1945 kur denoheshin armiqte e popullit nga gjyqet partizane me gjyqtare qe kishin zbritur nga mali.

P.S.: nese keni ankesa per ne gjykate kushtetuese, cojini me poste elektronike, ben vaki jua lexojne ne te ardhmen kur te ndezin kompiuterat, sepse dera e gjykates eshte e mbyllur, postieri nuk ju ben pune.