Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

U shpëton 8 viteve burg: Gjykata cakton shërbim prove për Tahirin

Politiko 19 Shtator 2019, 22:03
U shpëton 8 viteve burg: Gjykata cakton shërbim prove për Tahirin

Gjykata e Krimeve të Rënda ka dhënë vendimin për ish-ministrin e Brendshëm, Saimir Tahiri, duke e dënuar me 5 vite burg, por kjo do të konvertohet në 3 vite e katër muaj shërbim prove. Gjykata e shpalli ish-ministrin të fajshëm vetëm, për veprën penale“korrupsion të zyrtarëve të lartë”, duke hedhur poshtë dy akuzat e tjera: “trafik të lëndëve narkotike kryer në bashkëpunim” dhe “grup të strukturuar kriminal”.

Për shkak të gjykimit të shkurtuar, Tahiri përfundon uljen e një të tretës dhe dënimi i shkon në 3 vjet e katër muaj burg. Por, ai nuk do të shkojë në asnjë ditë në qeli, pasi gjykata ka vendosur të pezullojë ekzekutimin e dënimit të tij me burg, duke e lënë në shërbimin e provës për një periudhë 3 vjeçare.

Saimir Tahiri ka reaguar pas daljes nga Gjykata duke thënë se gjykata nuk kishte këllqe ta shpallte të pafajshëm. “Më rezervoni të drejtën që ta përtyp këtë estradë që ndodhi. As qesh dot dhe as qaj dot. Nesër po ju ftoj të ndajmë bashkë disa mendime. Mu duk një gjë e tipit, je i fajshëm po nuk kemi këllqe ta themi. Unë dy vjet jam hetuar si trafikanti më i madh i Shqipërisë, çfarë t’ju them", deklaroi Tahiri, duke shtuar:

"Dy vjet jam hetuar si pjesë e një grupi kriminal. Sot gjykata thotë jo nuk i ke bërë këto, as trafikant as pjesë e grupit kriminal. Arrita të kuptoj se meqë kushërinjtë paskan përdorur emrin tim, unë kam shpërdoruar detyrën. Zoti ju ruajt edhe juve, mos t’jua shpërdorojnë emrin se e hëngrët. Më duhet kohë që ta kuptoj këtë që ndodhi, se... Do ta apeloj vendimin. As që diskutohet. Do të ishte shumë më fisnike të më dënonin për trafik droge, kjo është qesharake. Dua kohë të përtyp. Isha më i qartë kur hyra, se sa kur dola", sqaroi Tahiri.

Të fundit