Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“U shua një far aspak i zakonshëm”, mesazhet e politikanëve, aktorëve, shkrimtarëve për ndarjen nga jeta të Rikard Ljarjes

Politiko 21 Prill 2020, 09:42

Prej mbrëmjes së djeshme, rrjetet sociale s’kanë reshtur nga mesazhet ngushëlluese për ndarjen nga jeta të ikonës së kinematografisë shqiptare, Rikard Ljarja.

Mjeshtri i Madh u nda nga jeta në moshën77-vjeçare pas një sëmundje të rëndë në Tiranë.

Më poshtë, disa nga mesazhet e përcjella nga politikanë, aktorë, shkrimtarë…

Gramoz Ruçi: Iku një emblemë e kinematografisë dhe artit shqiptar, që krijoi për të gjithë ne figura vetëmohuese. Rikard Ljarja është pjesë e vetëdijes artistike të kombit. Ne jemi rritur me personazhet e Ljarjes midis nesh. Ai ka frymëzuar e do të frymëzojë brezat me jetën dhe me personazhet e tij. Me veprën e vet, Rikard Ljarja na la kumtin se madhështia krijohet prej thjeshtësisë dhe përsosmëria prej përkushtimit. Peng për të gjithë ne që nuk e përcjellim siç e meritonte.

Erion Braçe: Ndritte shpirti yt nga atje lart! Një duartrokitje e madhe për artin tënd, Rikardi i madh!

Aktori Petrit Malaj:

Ka kohe te çuditshme si keto qe kalojme, te cilat bashke me lajme te hidhura e dramatike te nje perditshmerie krejt te pazakonte, te japin edhe goditje te tjera, te cilat nuk i pret e as nuk je gati t'i pranosh! U shua nje tjeter far i familjes se madhe te artisteve tane. Nje far aspak i zakonshem, por i tille qe drita i duket prej se largu e nuk do te mund t'i shuhet askurre.

Mik, mentor dhe bashkeudhetar i mire, nje shkodran "par excellence", fisnik e zemerqeshur. Nje shpirt i bukur, mbrujtur me madheshti e humor te thelle. Nje mendje e hapur, e bukur po aq, ngarkuar me urtesi dhe dije te rralle.

Rikard Ljarja, zgjodhi te largohet pa zhurme e buje, ne nje kohe kur vemendja eshte tjeterkund e te gjithe rendin ti fshihen se padukshmes. Sikur kerkoi t'i vidhej rrezikut e te shkonte ne paqe ne rrugen e vet, pa bezdisur askend.

Ky profesionist i madh, u be pilaster i dhjetera produksioneve filmike, regjisor e aktor i paimitueshem, i dashur e i adhuruar per shumekend. Statura e tij atërore, zeri kumbues dhe loja e tij e jashtezakonshme, bene qe cdo film e rol t'i kthehej ne embleme dhe per publikun te kthehej ne nje hero.

Kujtimet s'me lene te qendroj askund, rrjedhin pa pasur ndermend te ndalojne,...fjalet jane sa te teperta, aq edhe shume pak!...Per mua, mik dhe koleg, vella i madh dhe udherrefyes, shok dhe baba, diti t'i bente te gjitha me elegance, skrupuj dhe mençuri, si rrallehere di t'i beje njeheresh nje njeri me fame. Madheshtia e tij me ben sot t'i perulem bashke me shume e shume artiste e njerez te thjeshte. Keshtu, ne kete menyre po kaq te cuditshme si kohet qe kalojme, pa u pershendetur as per here te fundit, pa u pare e pa u mbledhur si zakoni i shqiptarit e do. Kjo ikje pa zhurme e buje, pa ceremoni e formalitete, e ben me te prekshme dhimbjen, me te rende ndarjen e me te pameshirshem boshllekun dhe heshtjen, si ato qe le pas shkeputja nder yjësi e nje ylli te madh e plot drite! Pata fatin ta kem pedagog, koleg dhe mik, ndaj s'mund të shpreh me fjalë boshllëkun që po na krijon largimi i tij. Ikën një aktor i përmasave të mëdha për kinemanë, që meriton nder e respekt si pak të tjerë...dhe kjo kohë që po kalojmë me pandeminë nëpër këmbë bën që ai të ikë në heshtje...ndoshta kështu donte... Duke mos patur mundësi ta përcjellim, ndjej se duhet ti them dy fjalë: I dashur Rikard, hyre në shtëpitë e çdo shqiptari, dhe le një emër, një figurë dhe nje zë që nuk do harrohen kurrë . Gjithë jetën do jem mirënjohës ndaj teje. Pata fatin të jem i përzgjedhuri jot në filmin "Kur hapen dyert e jetës", e të luaj krah teje tek "Viktimat e Tivarit". Jeta na godet e na shtyp shpirtin, por arti na kujton gjithnje se nje shpirt e kemi te gjithe. Lamtumire i madhi Rikard.