Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ulsi Manja: 3 vite burg për ata që bllokojnë rrugët

Politiko 3 Maj 2019, 17:26
Ulsi Manja: 3 vite burg për ata që bllokojnë rrugët

Kreu i Komisionit të Ligjeve, Ulsi Manja ka deklaruar se ndryshimet e reja në Kodin Penal parashikojnë edhe dënimin me 3 vite burg për të gjithë ata që bllokojnë rrugët nacionale. Bëhet fjalë për bllokim rrugësh në kuadër të protestave.

I pyetur në ‘News 24’ nëse kjo nismë e Qeverisë lidhet me aksionin e fundit të opozitës, Manja deklaroi: “Nuk ka një dispozitë të re sa i përket pengimit të qarkullimit në rrugët nacionale. Te ky nen, ne kemi bërë disa shtesa dhe ndryshime që kanë të bëjnë me përcaktimin e rrugëve dytësore dhe nacionale.”

Ndërkohë, dënimet për bllokimin e rrugëve dytësore do të nisin me gjobë dhe deri në 2 vite burg.

“Kjo paketë ndryshimesh nuk është finale sepse pas depozitimit në Kuvend, në Komisionin e Ligjeve do të merret mendimi i të gjithë ekspertëve dhe institucioneve”, tha deputeti i Partisë Socialiste.

Partitë opozitare bllokuan më 30 prill rrugët nacionale në të gjitha qarqet e vendit, si revoltë kundër Qeverisë së kryeministrit Edi Rama.

Të fundit