Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

“Urat në Shqipëri janë të dobëta, u neglizhuan që prej viteve ‘80”, paralajmëron specialisti pas tragjedisë në Genova

Politiko 16 Gusht 2018, 07:49
“Urat në Shqipëri janë të dobëta, u neglizhuan

Ngjarja e dy ditëve më parë që tronditi jo vetëm Italinë ka hapur debat edhe në Shqipëri. Ura Morandi u shemb në mesditë në Genova e për pasojë humbën jetën deri tani 39 persona të konfirmuar, mes tyre tre fëmijë dhe dy djem shqiptarë.

Debati në vendin tonë është fokusuar në kushtet e sigurisë së urave dhe ndërtesave të vjetra.

Maksim Muçi, kryetar i shoqatës së ndërtuesve, tha në studion e Report Tv se kushtet teknike të urave në Shqipëri janë gjendje mjaft të dobët, duke u kthyer në rrezik.

Sipas Muçit, urat nuk u janë nënshtruar mirëmbajtjeve prej një kohe të gjatë duke rrezikuar degradimin e strukturës vit pas viti, ndërsa ndërtimet e reja nuk zbatojnë kushtet teknike të Bashkimit Europian.

Situata në të cilën ndodhen jo vetëm urat te ne, por i gjithë ndërtimi, kanë një problematikë të përbashkët. Ndërtimi është investim, edhe sikur të bëhet një shkallë, duhet të kemi parasysh disa rregulla, sepse janë investime qindra vjeçare. Kushtet teknike tonat janë në gjendje shumë të dobët. Persona të administratës deklarojnë se zbatojmë eurocodet, kushtet teknike të BE. Por ajo duhet të jetë e detyrueshme me ligj që të kontrollohet nga ata që e mbikëqyrin dhe të jetë referenca ligjore nesër për çdo rast. Me urat nuk është bërë asnjë punë pas viteve 80, kur është bërë mirëmbajtja e fundit. Sot urat ndërtohen nga privati i cili niset kryesisht për të përfituar. Sot gjithçka është bërë tender, duke iu shmangur kushteve që janë më të rëndësishme. Po marr rastin e urës së Bunës e cila është një zgjidhje e gabuar sepse pengon rrjedhjen e ujit. Ngrihet niveli i ujit në liqen me 50 cm. Pra një zgjidhje shumë e gabuar.

Duke iu referuar shkaqeve që çuan në shembjen e urës së Genovas, Muçi thotë se ato mund të kenë qenë për shkak të amortizimit të strukturës së hekurit, ndryshku i të cilës ka çuar në shpërthimin e betonit.

Të fundit