Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

POLITIKOFF

Ushqimet që mund të kthehen në toksike nëse e teproni me to

Politiko 14 Shtator 2018, 19:56

Ushqimet që mund të kthehen në toksike nëse e teproni me to

Edhe ushqimet e shëndetshme mund të kthehen në toksike nëse e teproni me konsumimin e tyre. Më poshtë do të gjeni të listuar disa nga ushqimet që mund të kthehen në rrezik nëse i hani më shumë seç duhet.

Spinaqi, panxhari, djathi danez

Perimet me gjethe jeshile janë si një central ushqyes, pasi janë të pasura me lëndë të ndryshme ushqyese, si vitamina A dhe C, hekur dhe folate etj. Megjithatë, disa prej tyre, si spinaqi, zarzavatet, panxhari, kanë përmbajtje të lartë në acid oksialik, përbërësi që ju jep atyre shijen paksa të hidhur të tokës. Nëse abuzoni me konsumimin e tyre, mund të keni dhimbje në stomak, tension të ulët të gjakut, të përziera, puls të dobët, madje mund të formohen edhe gurë në veshka. Kjo nuk do të thotë se ato nuk duhet të jenë pjesë e dietës suaj. Duhet t’i përfshini patjetër në dietë, por në sasi të moderuar.

Fruta të thata braziliane

Konsumi i tepërt i frutave të thata braziliane mund të shkaktojë overdozë të mineralit selen. Simptomat e saj janë dhimbje stomaku, rënie të flokëve, lodhje, diarre, flokë ose thonj të brishtë, çngjyrim të dhëmbëve, probleme me sistemin nervor, një shije metalike në gojë dhe erë shumë të keqe të saj. Nëse lihet pa trajtuar, overdoza me mineralin e selenit mund të çojë në vështirësi në frymëmarrje, probleme me veshkat, atak në zemër, dridhje etj. Megjithatë, nuk duhet të hiqni dorë plotësisht nga seleni. Ky mineral është i nevojshëm për organizmin, pasi luan një rol të rëndësishëm në shëndetin riprodhues, funksionin e tiroideve dhe krijimin e ADN-së.

Sa fruta të thata duhet të hani në ditë?

Një frut i thatë brazilian përmban 68-91 mikrogramë selen, dhe maksimumi që duhet të konsumojë një i rritur është 400 mikrogramë, prandaj mos konsumoni më shumë se 4-5 fruta të thata në ditë.

Peshk tuna i konservuar

Peshku tuna përmban mërkur më shumë se çdo lloj tjetër peshku dhe teprimi me të mund të shkaktojë disa efekte anësore alarmuese, si probleme me shikimin, dëgjimin dhe të folurin, mungesë koordinimi dhe dobësi të muskujve. Në këtë rast është mirë të gjithë varietetet e “lehta”, që janë peshqit tuna të vegjël pasi kanë më pak nivele të mërkurit se peshqit tuna të mëdhenj “albakore”.

Arrëmyshk

Arrëmyshku përmban një përbërës të quajtur myristicin, që mund të çojë në helmim nëse konsumohet në doza të mëdha, Ajo mund të shkaktojë disa efekte anësore si dhimbje koke, të përziera, dobësi, madje edhe halucinacione.

Patate

Nëse patatja është akoma jeshile apo kanë filluar t’i dalin rrënjët, hidheni atë. Patatet jeshile përmbajnë solanine, një pesticid natyral që është toksik për njerëzit nëse konsumohet në sasi të mëdha. Ajo mund të shkaktojë të vjella, diarre dhe arrest kardiak.

Ujë

Nuk jeni të sigurt? Besojeni ose jo, overdoza e ujit gjithashtu është e dëmshme për shëndetin. Konsumi i tepërt i tij mund të çojë në intoksikim të ujit. Kur konsumohen shumë lëngje, shfaqet gjendja hiponatremia, ku nivelet e sodiumit në gjak ulen shumë poshtë normales. Ajo mund të shkaktojë letargji, të vjella, konvulsion, madje mund të çojë edhe në gjendje kome ose vdekje nëse lihet pa trajtuar.