Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Valët e muzikës përhapin covid-19”, Klosi sqaron deklaratën e pazakontë: Është keqkuptuar!

Politiko 6 Tetor 2020, 19:40

“Valët e muzikës përhapin covid-19”, Klosi sqaron

“Valët e muzikës përhapin covid-19”. Kjo ishte deklarata me të cilën ministri Turizmit dhe Mjedisit, Blendi Klosi bëri xhiron e rrjetit pak ditë më parë.

Duke folur në emisionit “Top Talk”, në Top Channel, Klosi ka bërë sqarimin e kësaj deklarate dhe tha se është keqkuptuar, teksa diskutonte VKM për ndalimin e muzikës live në club-et e natës, bare e restorante.

Po ashtu, ai kërkoi ndjesë publike për komunitetin e artistëve, të cilët tha se janë më të prekurit nga kjo situatë e pandemisë

“Meqenëse dalim shpesh në ekran na duhet të jemi të kujdesshëm. Më the gjënë e parë, duke qenë se kam shumë miq në komunitetin e muzikantëve, kam jetuar me muzikën, jetoj, kam shijuar muzikën le të themi, padyshim atyre i duhet kërkuar një ndjesë e madhe sepse u turrën të gjithë kundra muzikës; muzika të vret, të infekton. Në asnjë rast nuk është thënë as nuk është menduar. Nuk ka asnjë deduksion logjik, të mendosh që muzika të dëmton, muzika si muzikë. Është një moment për t’i kërkuar një ndjesë atij komuniteti. Siç është dhe komuniteti i atyre njerëzve të cilët jetojnë me muzikën kanë vuajtur në fakt këtë sezon.

Janë nga komunitetet më të goditura sepse ata jetojnë me të, sidomos periudha e verës është periudha që ata gjenerojnë më shumë para. Edhe në fakt se jeta e njerëzve ka qenë gjithmonë prioritare, na ka detyruar që të kishte një kufizim në këtë situatë. Përsa i përket komunitetit që bëri meme, kjo është gjë humori dhe ishte shumë gjë e mirë.

Pjesa e atyre që bëjnë logjikën e gjësë nga pikëpamja biologjike. Përsëri dua ta them, valët në një ambient të mbyllur krijojnë një dinamikë të caktuar me ambientin dhe shtohet më pas, rrymat e ajrit që shtohen nga kondicionimi, shtoi më pas lëvizjen, ose kur ka muzikë të lartë njerëzit flasin me zë të lartë, djersiten më shumë, energji më e madhe, njerëzit rrinë të gjithë të bashku.

Edhe kur janë të gjithë këto faktorë, rreziku shtohet më tepër. Kjo është arsyeja që jo vetëm në Shqipëri por kudo jeta e natës. Unë kam mbaruar për elektronikë dhe në shkollë të mesme na mësonin çdo të thoshte çdo valë. Në një ambient që nuk ka ajër nuk përçohen valë. Ndjesë komunitetit të muzikantëve. Por të qenurit së bashku në një ambient me muzikë, njerëzit ndryshojnë sjellje, nga energjia dhe rrymat e ajrit, kondicionimi sidomos, janë të gjithë efektet që bëhen të gjitha së bashku dhe shtojnë më shumë rrezikun në ambiente të mbyllura”, u shpreh ministri.