Flash News

KRYESORE

"Vals për jetën", ballo vjeneze në Tiranë ; një pjesë e të ardhurave në ndihmë të fëmijëve në nevojë

Për të dytin vit radhazi, në Tiranë organizohet "Ballo Vjeneze". Një nga produktet kulturore më të njohura të Vjenës vjen në edicionin e dytë në Shqipëri.

Ditën e premte me 12 prill, Pallati i Kongreseve do të shndërrohet në një pritje të vërtetë vjeneze që do të mbledhë bashkë shqiptarët dhe austriakët si dhe të ftuar special.

Për të gjithë ata që kanë dëshiruar gjithmonë të jenë pjesë e mbrëmjeve të tilla gala, kanë ende shansin të jenë pjesë e të premtes vjeneze në Tiranë.

Iceberg Communication Ambasada Austriake, Advantage Austria dhe Bashkitë e Tiranes dhe Vjenës kanë përcaktuar kështu Ballon Vjeneze si një brand kulturor austriak që duhet të përçohet edhe në Shqipëri duke nxitur mbështetjen e kulturës në rritjen e imazhit. Teksa në ballon klasike në Vjenë nuk mungojnë yjet botërore këtu nuk do të mungojnë yjet shqiptare të baletit dhe kantos duke ndihmuar edhe për një kauzë sociale siç është ndihma për fëmijët në nevojë.

Ftesa është të bëjmë një vals për jetën.

Të fundit