Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Vdekja e shqiptarit në burgun francez, reagon Ministria e Jashtme: U kemi kërkuar informacion autoriteteve franceze për zbardhjen e ngjarjes

Politiko 10 Shkurt 2020, 16:07
Vdekja e shqiptarit në burgun francez, reagon Ministria e Jashtme: U kemi

Ministria për Evropën dhe Punët e Jashtme ka reaguar lidhur me vdekjen e shtetasit shqiptar Menton Rexha në burgun e qytetit Lorient në Francë.

Përmes një njoftimi për mediat, MEPJ shkruan se sipas autoriteteve franceze, ky shtetas është vetëvrarë në ambientet e burgut, gjatë natës së 31 janarit 2020,  por ambasada shqiptare në Francë ka kërkuar informacion shtesë pas pretendimeve të familjarëve se djalin e tyre e kanë vrarë.

“Sipas autoriteteve të policisë franceze shtetasi Mentor Rexha është vetëvrarë në ambientet e burgut francez të qytetit Lorient gjatë natës së 31 janarit 2020. Ditën e shtunë, datë 8 shkurt 2020, të afërmit mundën të vizitojnë trupin e të ndjerit. Gjatë kontaktit me Ambasadën shqiptare, ata shprehën dyshime lidhur me shkaqet e vdekjes së tij. Bazuar në këto pretendime, Ambasada shqiptare në Francë ka kërkuar informacion suplementar nga autoritetet franceze mbi ngjarjen dhe ka sugjeruar që paralelisht familja e të ndjerit të kontaktojë një avokat për ndjekjen e çështjes nga ana ligjore. Ambasada është në pritje të një informacioni zyrtar më të detajuar nga ana e autoriteteve policore dhe gjyqësore franceze, në lidhje me të gjitha pretendimet dhe dyshimet e ngritura nga të afërmit e shtetasit Mentor Rexha", thuhet në njoftim.

Ministria thotë se për këtë ngjarje, Ambasada shqiptare në Francë është njoftuar nga të afërmit e të ndjerit ditën e diel, datë 2 shkurt 2020.

"Që nga ajo ditë e në vazhdim, shërbimi konsullor i Ambasadës ka qenë në kontakt të vazhdueshëm me familjarët e tij, për të mundësuar vendosjen e kontakteve me qendrën penitenciare të Lorient, si dhe për të lehtësuar udhëtimin e njërit prej familjarëve të tij nga Italia në Francë. Ambasada shqiptare në Francë njofton se, që nga momenti i njohjes me ngjarjen, ka përcjellë nga afër çdo praktikë ligjore dhe ka qëndruar në kontakte të pandërprera me familjarët e shtetasit shqiptar, Mentor Rexha", sqaron ministria.

Në njoftim sqarohet gjithashtu se në lidhje me procedurat e kthimit të trupit të Mentor Rexhas në Shqipëri, Ambasada shqiptare në Francë i ka informuar familjarët sipas legjislacionit në fuqi.

Të fundit