Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Veliaj e paditi për ‘turbullim të gjendjes shpirtërore’, Kraja: Nesër vendimi i gjykatës, përfaqësohet nga avokati që mbron edhe Ballën

Politiko 21 Tetor 2018, 13:25

Veliaj e paditi për ‘turbullim të gjendjes

Ditën e nesërme, Gjykata e Rrethit Gjyqësor në Tiranë pritet të japë vendimin lidhur me padinë e ngritur nga kreu i bashkisë së Tiranës, Erion Veliaj ndaj këshilltarit të opozitës, Akil Kraja për shpifje.

Në një postim në rrjetet sociale, këshilltari i PD kujton se bëhet fjalë për një deklaratë të mbajtur një vit më parë në nëntor dhe ku ngrinte shqetësimin mbi mungesën e transparencës përsa i përket negociatave për privatizimin e UKT-së nga ana e Bashkisë Tiranë, dhe rritjen e çmimit të ujit me mbi 40%.

Sipas Krajës, Veliaj e ka cilësuar deklaratën si shpifëse dhe se i ka shkaktuar “Një turbullim të padrejtë të gjendjes shpirtërore” dhe “cenim të nderit dhe personalitetit të tij”.

Andaj, ditën e nesërme ai përfaqësohet nga i njëjti avokat që mbron dhe deputetin Taulant Balla, i cili gjithashtu ka paditur disa përfaqësues të opozitës për shpifje.

Statusi i plotë:

VJEN VENDIMI I PARË NË KONTEKSTIN E DEBATIT PËR SHPIFJET !

Ditën e martë, Gjykata e Rrethit Gjyqësor Tiranë do të japë vendimin përfundimtar nëse Kryebashkiaku i Tiranës, Erion Veliaj ka qenë objekt i një deklarate me karakter denigrues, fyes dhe shpifës nga ana ime, në cilësinë e Këshilltarit Bashkiak të opozitës, mbi çështjen e ngritjes së çmimit të ujit në Tiranë.

Deklarata e mbajtur më 15 nëntor 2017, ngrinte shqetësimin mbi mungesën e transparencës përsa i përket negociatave për privatizimin e UKT-së nga ana e Bashkisë Tiranë, dhe rritjen e çmimit të ujit me mbi 40% në të njëjtin moment.

Në daljen time para mediave, e cilësoja rritjen e çmimit si një aferë bazuar në disa deklarata të mëparshme të vetë Kryetarit të Bashkisë i cili ishte angazhuar publikisht se çmimi i ujit nuk do të rritej në asnjë variant, si në privatizimin ose jo, të UKT-së.

Në padinë e tij, Kryebashkiaku Veliaj e cilëson deklaratën si shpifëse dhe që i ka shkaktuar “Një turbullim të padrejtë të gjendjes shpirtërore” dhe “cenim të nderit dhe personalitetit të tij”.

Kryebashkiaku Veliaj përfaqësohet në këtë gjykim nga i njëjti avokat që mbron dhe Deputetin Taulant Balla, i cili gjithashtu ka paditur disa përfaqësues të opozitës për shpifje.

Në këtë gjykim, përfaqësuesit e Z. Veliaj kanë paraqitur për herë të parë si prova dhe statuset në rrjetet sociale të një zgjedhuri vendor si dhe komentet shoqëruese të qytetarëve. Për këtë arsye vendimi mund të përbëjë potencialisht një jurisprudencë për të ardhmen nëse dhe deklarimet personale në rrjete sociale mund të quhen të karakterit shpifës ose jo.

Rikujtoj që çmimi i ujit u rrit falë votave “dizidente” të disa këshilltarëve të opozitës si dhe që Autoriteti i Konkurrencës së Republikës së Shqipërisë, në një vendim të dhjetorit 2017 e ka cilësuar rritjen e çmimit të ujit si jo-transparente, të pabazuar në analiza dhe që rëndon konsumatorët.

Deklarata e 15 nëntorit mund të gjendet e plotë në videon në linkun më poshtë, shoqëruar nga disa ekstrakte të Veliajt. Secili le të gjykojnë vetë kush gënjen apo mashtron në të vërtetë qytetarët e Tiranës...