Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Veliaj takohet me Fleckenstein: Kompani gjermane kanë zgjedhur Tiranën për të investuar në teknologji

Politiko 23 Shkurt 2020, 16:15
Veliaj takohet me Fleckenstein: Kompani gjermane kanë zgjedhur Tiranën

Kryetari i Bashkisë së Tiranës, Erion Veliaj priti në një takim ish-eurodeputetin, njëherazi dhe raportuesin për Shqipërinë, Knut Fleckenstein. Teksa mori prej kryebashkiakut Veliaj edhe logon simbol të 100-Vjetorit të Tiranës Kryeqytet, Fleckenstein shprehu impresion për zhvillimin e Tiranës.

“Është impresionuese të shohësh sesi po zhvillohet ky qytet dhe 100-vjetori i shpalljes kryeqytet është një gjë, por të organizosh të gjitha këto, është një arritje e pamatë që ju e bëni në përditshmëri. Jam i lumtur që jam një mik i këtij qyteti dhe një mik juaji”, deklaroi ai.

Kreu i Bashkisë njohu politikanin gjerman me hapat që po ndërmerr qyteti në çështjet e punësimit dhe të rritjes së ekonomisë. Veliaj u shpreh se gjithnjë e më shumë kompani të njohura gjermane po investojnë në vendin tonë, veçanërisht në fushën e teknologjisë, njofton zyra e shtypit e Bashkisë.

“Të dy biem dakord se qytetet po lëvizin gjithmonë e më shumë në çështjet e punësimit, ekonomisë, të promovimit të turizmit, ndaj besoj se Tirana mund të marrë shumë shembuj nga qytete të ndryshme gjermane, qoftë nga Hamburgu, apo nga qytete të tjera, të cilat po bëjnë sot inovacione të jashtëzakonshme. Jam shumë i lumtur që kompani gjermane si Lufthansa - Software, kanë zgjedhur Tiranën për të bazuar të ardhmen e tyre të kodimit, duke punësuar djem edhe vajzat tona, që vijnë nga teknologjia e informacionit, shpresa jonë e përbashkët është që Tirana të krijojë gjithmonë e më shumë hapësira për këta të rinj”, tha Veliaj.

Të fundit