Flash News

Fuste dr*gë dhe sende të paligjshme në qeli, arrestohet polici i burgut të Drenovës

Lavrov: NATO po rrezikon vetëshkatërrimin me buxhetin e ri ushtarak

​Kurti e Vuçiç "përballen" nesër në Shkup

Bie nga skelat, humb jetën punëtori i ndërtimit në Berat

Prokuroria dërgon për gjykim dy zyrtarët e Bashkisë Korçë

KRYESORE

Veliu i nxorri videon me pistoletë, reagon nëna e 15-vjeçarit të dhunuar nga policia: Isha në xhirimet e një filmi, do ta çoj në prokurori

Politiko 29 Maj 2020, 17:18
Veliu i nxorri videon me pistoletë, reagon nëna e 15-vjeçarit

Drejtori i Përgjithshëm i Policisë së Shtetit, Ardi Veliu ka çuditur me deklaratën e tij të papritur ditën e sotme referuar rastit të 15-vjeçarit, Sarandi Çobo, të dhunuar nga policia tek zona e Liqenit Artificial në Tiranë.

Gjatë raportimit në mbledhjen online të Komisionit të Sigurisë, i pyetur në lidhje me këtë çështje tepër shqetësuese, Veliu jo vetëm që ka marrë në mbrojtje efektivët e policisë- megjithëse sipas tij ka patur në një moment shkelje të kompetencave-, por po ashtu ka nxjerrë një video nga Facebook-u i nënës së të miturit e cila shfaqet me pistoletë në dorë, duke përdorur etiketime morale për familjen në fjalë.

“Në lidhje me rastin e djalit 15-vjeç është e vërtetë se nëse dua të marr në mbrojtje policët, ata kanë një moment të kapërcimin e kompetencës. Ai është pezulluar dhe ka filluar hetimi disiplinor, njëkohësisht ka filluar dhe një hetim penal nga SHÇBA.

Por a është në të vërtetët djali që i është bindur të gjithë thirrjeve të policisë siç pretendon mamaja. Do iu shfaq një video të mamasë së tij, që të shikoni se nga çfarë familje vjen dhe pastaj të gjykoni vetë.

Kjo është mamaja e djalit me pistoletë në dorë. Ju a tregova këtë videon për të thënë se nga çfarë familje vjen ky fëmijë, sa i edukuar është, sa i është bindur thirrjeve të pòlicisë dhe tek e fundit pòlicia si gjithmonë bëhet viktimë. Jo se dua të mbroj policinë, por duhet të jemi realistë dhe të ftohtë në gjykim”, ka deklaruar Veliu.

Më poshtë video e publikuar nga Ardi Veliu

[video width="640" height="368" mp4="https://cdnimpuls.com/politiko.al/uploads/2020/05/vlc-record-2020-05-29-17h07m19s-Kmisioni-i-sigurise-Veliu-deklarata.mp4-.mp4"][/video]

Menjëherë pas deklaratës së Drejtorit i Përgjithshëm i Pòlicisë së Shtetit, ka reaguar vetë e ëma e 15-vjeçarit, Zaida Çobo, duke theksuar se e gjitha kjo është një video e shkëputur nga xhirimet e një filmi të  Drilon Hoxhës i titulluar ‘Dashuria s’mjafton’.

Zonja Çobo në një komunikim për ABCnews ka deklaruar se videoja artistike, pjesë e filmit, është përdorur për të baltosur imazhin e saj dhe për këtë arsye ajo do të bënte menjëherë deponimin ndaj Ardi Veliut në Prokurori për “prishje imazhi dhe figure”.

Çobo: Ai nuk merr vesh nga arti, nga kultura. Nuk e di domethënë. Ai nuk dallon dot sekset. Duke folur për fëmijën tim thoshte ajo ajo ajo, nëna e saj nëna e saj, është çun z.Veliu jo goc, është dy metra djal. Po të ishte djali juaj z.Veliu dhe ta rrihnin, çfarë do bënit ju? Nëse unë jam me precedent penal, pse më pranuan në policinë e shtetit, kam bërë testimin dhe vetëm për dy pikë se kam marrë. Si mundet një zonjë me precedentë penalë të pranohet në polici. Video që është publikuar nga Drejtori i Policisë është një skenë xhirimi të një filmi shqiptar, ku regjizor është Drilon Hoxha. Është film shumë i njohur. Unë kam punuar dy vjet te ai filmi. Është vërtetë turp, më vjen për të ardhur keq.

Pyetje: Sot pati një kundërsulm ndaj jush, pasi thatë se do të bëni çmos që ta ndiqni çështjen e djalit tuaj, si ndiheni?

Çobo: Unë e kam thënë që ditën e parë, pasi shefi i madh më tha të bëj denoncim. Unë nuk kam besim te policia, deklaratën time e ka marrë në dorë SHÇBA-ja dhe avokati i popullit.

Pyetje: Ndiheni disi e kërcënuar?

Çobo: Unë më parë isha frikësuar dhe ndihesha e kërcënuar, por pasi më thanë atje në SHÇBA ke mbrojtjen tonë nuk ndihem më e kërcënuar. Unë s’kam frikë, dhe rrjetet sociale i kam publike, pasi jam person publik.

 

Të fundit