Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Vendet ku flitet më shumë se një gjuhë kanë rritje më të lartë ekonomike

Politiko 6 Korrik 2018, 19:04
Vendet ku flitet më shumë se një gjuhë kanë rritje

Multilinguizmi është i mirë për ekonominë, kështu thonë studiuesit. Vendet ku fliten gjuhë të ndryshme kanë përfitime të ndryshme, duke filluar nga eksporte të suksesshme në një forcë punëtore më inovative.

“Gjuha ka rëndësi në nivel të lartë kombëtar dhe në nivelin e bizneseve të vogla,” thotë Gabrielle Hogan Brun, një hulumtues pranë Universitetit Bristol.

Zvicra për shembull, 10% të GDP e gëzon prej trashëgimisë shumëgjuhëshe. Vendi ka katër gjuhë kombëtare: gjermanisht, frengjisht, italisht dhe një gjuhë të vjetër latine të quajtur Romansh.

Britania nga ana tjetër, humbet rreth 3.5% të GDP-së së saj çdo vit, sepse popullsia ka aftësi relativisht të ulëta për të mësuar gjuhë të huaja.

Kjo ndodh sepse gjuhët ndihmojnë në ndërtimin e marrëdhënieve tregtare. Një studim i kompanive të vogla dhe të mesme në Suedi, Gjermani, Danimarkë dhe Francë zbuloi se ata që investuan më shumë në gjuhë ishin në gjendje të eksportonin më shumë mallra. Kompanitë gjermane që investuan shumë për trajnimin e një stafi shumëgjuhësh shtuan 10 vende të eksportit në tregun e tyre. Kompanitë që investuan më pak thanë se humbën kontratat.

Por, gjuhët e huaja kanë dhe benefite personale. Për ata që i gjejnë të vështira gjuhët, lajmi i mirë është se nuk duhet të jesh i rrjedhshëm për të patur një impakt pozitiv.

Në shumë vende të botës punonjësit që flasin më shumë se dy gjuhë paguhen më shumë se ata që dinë vetëm gjuhën amëtare, edhe nëse nuk e përdorin gjuhën e dytë gjatë punës. Meshkujt 3.6% dhe femrat 6.6% më shumë.

Përtej këtyre përfitimeve ekonomike, gjuhët mund të ndihmojnë fuqinë punëtore të një vendi në mënyra të ndryshme afatgjata. Shumëgjuhësia është një aftësi e mirë për t’u përqëndruar dhe përpunuar informacionin.

Diversiteti gjuhësor ka një impakt të fuqishëm në ekonomi. Alarmant është fakti se shumë gjuhë po përballen me një rrezik serioz të zhdukjes. Më të rrezikuarat janë gjuhët që fliten nga komunitete të vogla në zona të thella. Kjo vjen si pasojë e globalizimit dhe rritjes së lartë ekonomike.

Të fundit