Flash News

Vijon zjarri në inceneratorin e Elbasanit, tymi toksik rrezikon shëndetin e qytetarëve

SHBA feston 249-vjetorin e Pavarësisë

Pas ultimatumit të Ramës, japin dorëheqjen të gjithë drejtorët e bashkisë së Vlorës

Posta e mëngjesit/ Me 2 rreshta: Çfarë pati rëndësi dje në Shqipëri

Kërcet arma në Durrës, plagoset një 30-vjeçar

KRYESORE

"Vendi që më përshtatet mua", pse Yuri Kim vizitoi Shkodrën dy herë brenda 5 muajve

Politiko 11 Shtator 2020, 11:09

Ambasadorja e SHBA Yuri Kim nisi dje (e enjte) një vizitë dy ditore në Shkodër. Ndërsa u prit fillimisht nga kryetarja e bashkisë, Voltana Ademi, Kim nuk nguroi të përcjellë mesazhe konkrete si për klasën politike shqiptare, ashtu edhe për funksionalitetin e SPAK.

Sipas kryediplomates amerikane, klasa politike në vend nuk duhet të ketë ndasi mes tyre, ndërsa SPAK duhet të funksionojë plotësisht, pasi ka patur persona që kanë tentuar të intimidojnë gjyqtarë e prokurorë.

Pas mesazheve të forta, Kim tha se do të qëndrojë në Shkodër edhe të premten, për të vizituar atraksionet e shumta që të ofron metropoli verior.

Ajo shtoi tha se Shkodra ka një frymë pavarësie, duke theksuar se është qyteti që i përshtatet më shumë.

“ Është kënaqësi për mua që jam këtu. Është kënaqësi t’ju takoj, pasi kemi pasur komunikimin përmes videos. Ajo që kam mësuar për Shkodrës është fryma e pavarësisë, qëndrueshmëria juaj dhe sa herë dëgjoj historinë e Rozafës më bën të mendoj që Shkodra është vendi im, vendi që më përshtatet mua. Unë do të qëndroj për dy ditë në Shkodër, do vizitoj qendrat kryesore dhe disa restorante”,tha Kim.

Vlen për t’u theksuar se vizita e djeshme e Kim është e dyta që zhvillon në harkun kohor të pesë muajve të fundit, një diferencim që ambasadorja ka bërë në krahasim me vizitat e saj jashtë Tiranës.

Në takimin online të zhvilluar vetëm disa muaj më parë, Voltana Ademi mori vlerësimet nga ambasadorja Kim për masat e marra ndaj COVID-19 për mbrojtjen e shkodranëve.

Ardhja e ambasadores sipas mediave lokale ishte parashikuar prej kohesh por u shty për shkak te pandemisë Covid 19 dhe kufizimeve qe pati vendi ynë.

Kujtojmë se Kim ka kryer edhe disa vizita në bashkitë kryesore të vendit si në Durrës pas situatës së krijuar nga tërmeti i 26 nëntorit, ku ka parë nga afër punimet që po zhvilloheshin në sajë të rindërtimit, në 14 qershor vizitoi Beratin, qytet që ambasadorja e ka vlerësuar për bukuritë e shumta që ofron qyteti, nga kultura magjepsëse dhe kishat e vjetra, në fillim të korrikut vizitoi Vlorën, ku u prit nga kryetari i bashkisë Dritan Leli, më pas në qytetin antik të Butrinit dhe në Sarandë.

Pse Shkodrën?

Nëse fokusohemi te zhvillimet politike, nga 61 bashkia Shkodra është e vetmja që nuk drejtohet nga PS.

Në Shkodër vijon të jetë kryetare një grua, Voltana Ademi e Partisë Demokratike sepse i zgjedhuri i Ramës, Valdrin Pjetri, nuk arriti të betohej e të hynte në zyrë, për shkak se pas denoncimit nga opozita rezultoi se kishte shkelur ligjin e dekriminalizimit, duke fshehur një dënim në Itali kur ishte student.

Bashkia e Shkodrës është një nga bastionet e Partisë Demokratike, e cila së bashku me grupimet e tjera të djathta kanë drejtuar këtë bashki që nga zgjedhjet e para pluraliste pas rënies që regjimit monist në Shqipëri, në fillim vitet 90.

Zonja Ademi, e cila ka drejtuar për katër vite edhe Shoqatën e kryetarëve të djathtë të bashkive, ka bërë një betejë të vendosur, deri në Gjykatën Kushtetuese, kundër Zgjedhjeve Vendore të 30 qershorit dhe votimeve të kësaj dite, duke i cilësuar si antikushtetuese dhe në kundërshtim me dekretin e Presidentit të Republikës.

Madje, një lidhje e kryediplomates amerikane me Shkodre sipas burimeve të Politiko është edhe fakti se personi që u mëson shqipen në Departamentin Amerikan të Shtetit është një shkodran.