Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Vendimi i Gjykatës për Dashamir Xhikën, ish-kreu i ARRASH rikthehet në burg

Politiko 1 Shtator 2018, 20:01
Vendimi i Gjykatës për Dashamir Xhikën, ish-kreu i ARRASH

Gjykata e Apelit për Krimet e Rënda ka vendosur të rikthejë në burg, ish-drejtorin e Autoritetit Rrugor Shqiptar, Dashamir Xhikën, i cili akuzohet për korrupsion në vlera të mëdha monetare.

Xhika ndodhej prej muajit qershor në arrest shtëpie dhe përmes një njoftimi, policia bën me dije se arrestimi i tij ka ardhur pas ndryshimit të masës së vendosur nga Gjykata e Apelit për Krimet e Rënda Tiranë, nga “arrest në shtëpi”, në “arrest me burg”.

Njoftimi i policisë:

Specialistët e Krimit Ekonomik dhe Financiar në Drejtorinë Vendore të Policisë Tiranë ekzekutuan Vendimin Penal Nr.94, datë 01.09.2018, të Gjykatës së Apelit për Krimet e Rënda Tiranë, e cila ka vendosur ndryshimin e masës së sigurisë nga “Arrest në shtëpi”, në “Arrest me burg” në ngarkim të shtetasit nën hetim Dashamir Xhika, 47 vjeç, banues në Tiranë (ish-Drejtor i Autoritetit Rrugor Shqiptar).

Xhika është person nën hetim i dyshuar për konsumim të veprave penale të “Korrupsion pasiv i funksionarëve të lartë shtetërorë” dhe “Shpërdorim detyre” të parashikuara nga nenet 260 dhe 248 të Kodit Penal”- thuhet në njoftimin e policisë.

Më 26 qershor, gjykata e Krimeve të Rënda vendosi që të lirojë nga burgu ish-kreun e ARRSH-së, Dashamir Xhikën për shkak të sëmundjes së tij. Sipas Prokurorisë, Xhika akuzohet për korrupsion në vlera të mëdha monetare dhe ka rrezik që të fshehë provat apo të arratiset.

Të fundit