Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Vendimi për vizat me Shqipërinë, ambasada holandeze: Shqetësim mbeten krimi i organizuar dhe azilkërkuesit

Politiko 3 Korrik 2019, 15:20
Vendimi për vizat me Shqipërinë, ambasada holandeze:

Komisioni Europian ka rrëzuar kërkesën zyrtare të Holandës për rikthimin e vizave me Shqipërinë.

Lajmi bëhet me dije nga Ambasada Holandeze, e cila njofton se Komisioni Europian ka dalë në përfundimin që nuk plotësohen kushtet teknike për pezullimin e vizave.

Në njoftimin e ambasadës thuhet se KE i ka dërguar përgjigje  Ministrit të Punëve të Jashtme të Hollandës në datën 1 korrik, ku pasi refuzohet kërkesa, theksohet se “Shqipëria duhet të vazhdojë dhe të intensifikojë përpjekjet e saj për të adresuar çështjen e aplikimeve të pabazuara për azil dhe për të parandaluar dhe luftuar krimin e organizuar”.

 

Më poshtë njoftimi i ambasadës holandeze:

“Në datën 1 korrik, Ministri i Punëve të Jashtme të Hollandës ka marrë një përgjigje nga Komisioni Europian në lidhje me letër-kërkesën e dërguar në datën 31 Maj 2019. Në këtë letër, Komisioni ka dalë në përfundimin se kushtet teknike për të aktivizuar mekanizmin e pezullimit të vizave nuk plotësohen. Por gjithsesi, në letër theksohet se Komisioni beson se Shqipëria duhet të vazhdojë dhe të intensifikojë përpjekjet e saj për të adresuar çështjen e aplikimeve të pabazuara për azil dhe për të parandaluar dhe luftuar krimin e organizuar.

Sinjali që vjen nga letër-kërkesa vijon të jetë i rëndësishëm. Hollanda do të punojë me Shqiperinë për të parë se si shqetësimet tona në lidhje me krimin e organizuar, aplikimet e pabazuara për azil dhe klandestinët që përpiqen të kalojnë në Mbretërinë e Bashkuar nëpërmjet porteve të Hollandës mund të adresohen në mënyrë më efikase.

Ne e vlerësojmë bashkëpunimin tonë të mirë me palën Shqiptare dhe e shohim si thelbësore adresimin e këtyre çështjeve.”-thuhet në njoftimin e ambasadës holandeze në Shqipëri.

Të fundit