Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Veprimtaritë e përditshme që na ndihmojnë të shmangim shumë sëmundje

Politiko 17 Tetor 2018, 15:32

Veprimtaritë e përditshme që na ndihmojnë të shmangim

Nëse keni dyshuar ndonjëherë se disa ndryshime për mirë në mënyrën e jetesës mund të ulin rrezikun për kancer, atëherë mendojuni sërish. Autorët e një studimi sugjerojnë se 20-40% e rasteve me kancer – dhe 50% e të gjitha vdekjeve nga kanceri – mund të parandalohen nëse të gjithë do të bënim këto 4 gjëra: të stërviteshim rregullisht, të mbanim një peshë trupore të shëndetshme, të mos pinim duhan dhe të pinim alkool në sasi të moderuar.

Kaq mjafton që të ulet numri i vdekjeve nga kanceri, sipas një studimi të publikuar para pak ditësh tek JAMA Oncology.

“Edhe pse janë bërë më parë studime të ngjashme për lidhjen mes kancerit dhe faktorëve të mënyrës së jetesës, ka kohë që mënyra jetesës në SHBA ka ndryshuar në mënyrë drastike”, thotë autori kryesor i studimit, Mingyang Song, nga Spitali i Përgjithshëm i Masaçustes, Shkolla Mjekësore e Harvardit dhe Shkolla e Shëndetit Pulbik Harvard T.H. Chan në Boston.

“Donim të provonim një imazh të përditësuar”.

Gjithashtu ka një arsye tjetër pas studimit të dr. Song: Është bërë në përgjigje të një studimi të publikuar në vitin 2015 në revistën Science, që sugjeron se një e treta e rasteve me kancer mund të shkaktohen nga ambienti ose gjenetika, ndërsa pjesa tjetër nga mutacionet rastësore të ADN-së në qelizat staminale (me pak fjalë, fati i keq). Këto zbulime janë keqinterpretuar nga media dhe kanë lënë publikun të mendojë se disa lloje kanceri shfaqen për shkak të fatit të keq.

Dr. Song shpreson që studimi i fundi të adresojë këtë keqkuptim. Ekspertët kanë analizuar të dhënat e më shumë se 130 mijë personave nga dy studime të tjera afatgjate: Studimi i Shëndetit të Infermiereve dhe Studimi Pasues i Profesionistëve të Shëndetit.

Shkencëtarët i ndanë njerëzit në 2 grupe, bazuar tek mënyra e tyre e jetesës: I pari u konsiderua me rrezik më të ulët (ose i shëndetshëm), ndërsa grupi i dytë me rrezik më të lartë. Më pas shkencëtarët kontrolluan për rrezikun që paraqitej tek personat e secilit grup për zhvillimin e kancerit të mushkërisë, gjirit, pankreasit, fshikëzës etj. Këtu nuk u përfshinë kanceri i lëkurës dhe trurit, duke qenë se këto lloje kanceri lidhen me rrezet ultraviolet dhe karcinogjenë të tjerë.

Çfarë z bulua: Pjesëmarrësit në grupin e parë, me pak rrezik, ndanin katër karakteristikat e mëposhtme.

Nuk pinin duhan: Më specifikisht, nuk kishin konsumuar asnjëherë duhan, ose kishin më shumë se 5 vjet që kishin hequr dorë nga ky ves i dëmshëm.

Nuk pini alkool ose pinin në sasi të moderuar. Që do të thotë se gratë nuk konsumonin me shumë se një pije në ditë, ndërsa burrat jo më shumë se 2.

Kishin një indeks të masës trupore të shëndetshme, mes 18.5 – 27.5 (Qendra për Kontrollin dhe Parandalimin e Sëmundjeve e klasifikon BMI mbi 25 si mbipeshë”).

Bënin stërvitje rregullisht: Pjesëmarrësit në studim ose stërviteshin fuqishëm për 75 minuta në javë, ose bëni 150 minuta stërvitje në intensitet të moderuar.