Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Vetëm 16 vjeç por fiton 3 milionë dollarë falë lojës Fortnite

Politiko 29 Korrik 2019, 13:52
Vetëm 16 vjeç por fiton 3 milionë dollarë falë

Një 16 vjeçar nga SHBA-ja ka tërhequr vëmendjen e mediave ndërkombëtare, pasi u shpall kampion në lojën kompjuterike Fortnite dhe u shpërblye me 3 milionë dollarë. Kjo është shuma më e madhe e fituar në historinë e lojërave online, ndërsa në total shuma e shpërndarë mes fituesve ishte 30 milionë dollarë.

Kyle Giersdorf, 16-vjeçar, ka fituar garën i vetëm në Stadiumin Arthuer Ashe në Nju Jork, në të cilin organizohet turneu i tenisit, US Open. I dyti doli adoleshenti britanik, Jaden Ashman, që u shpërblye me 1 milionë dollarë.

Giersdorf, i njohuar online si Bugha, u pa buzëqeshur dhe duke tundur kokën para turmës, që ka nisur të duartrokasë kur është përmendur emri i tij si fitues. Ai tha për BBC-së se dëshiron të kursejë pjesën më të madhe të shumës së fituar.

“Gjithë çfarë dua është një tavolinë e re dhe ndonjë një tavolinë tjetër për trofeun tim”, ka thënë ai.

Kjo ngjarje është konsideruar si moment shumë i madh në industrinë e lojërave online, që synon të kthehet në industri gjigante me vlerë miliarda dollarë në vitin 2019.

Në finalen e lojës Fortnite morën pjesë 100 lojtarë, që garuan në ekrane kompjuterike masive.

Rreth 40 milionë lojtarë tentuan të kryejnë kualifikimet gjatë 10 javëve të garës online.

Në këtë garë janë përfaqësuar 30 kombe, 70 lojtarë kanë qenë nga Shtetet e Bashkuara, 14 nga Franca dhe 11 nga Mbretëria e Bashkuar.

Në lojë përfshihen 100 lojtarë, të cilët futen në një ishull, ku duhet të gjejnë armë, të ndërtojnë struktura dhe të eliminojnë njëri-tjetrin, derisa të ngelet vetëm 1.

Kjo lojë ka të regjistruar 200 milionë lojtarë në gjithë botën dhe mund të shkarkohet falas, mirëpo garuesit më pas mund të shpenzojnë të holla në blerje brenda lojërave.

Lojtarët mund të luajnë vetëm, si pjesë e një ekipi prej katër apo 20 personave, me shokë apo persona që nuk i njohin.

Të fundit