Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Vetëvrasja e Ramës: Gazetari zviceran kujton intervistën me KM. Me 1 përgjigje si të Ornela Vorpsit

Politiko 9 Gusht 2019, 14:38

Vetëvrasja e Ramës: Gazetari zviceran kujton intervistën me KM.

Mikael Krogerus, redaktor në Das Magazin, një revistë zvicerane është intervistuar nga Politiko.al për një intervistë të rreth 3 viteve më parë, e cila bëri bujë edhe për shkak të një fjalie të kryeministrit Rama: "shpresoj që një ditë të mos e vras veten". Sigurisht, ka nga ata në politikën shqiptare, apo dhe në popull, që shpresojnë që Rama ta vrasë veten një ditë.

Gazetari i Politiko nuk ka patur këtë dëshirë apo këtë qëllim, por ndoshta, me anë të pyetjes ta orientojë kolegun zviceran drejt një përgjigjeje me nota jo pozitive për kryeministrin. Ka ndodhur e kundërta.

Në vend që ta censurojmë intervistën, po e botojmë. Jo vetëm për faktin se, nuk mund të mos e botosh një intervistë të cilën e ke kërkuar vetë. Do të ishte profesionalisht e papranueshme. (Duke e ditur se, politikisht, intervista është e papranueshme: Politiko mendon se z. Rama është një kryeministër që duhet të ikë). Por, edhe për atë se, nganjëherë, duhet të ndalemi dhe të kuptojmë se demonizimi i tjetrit, me fis e me farë, është një zeje shumë e ushtruar dhe shumë e pëlqyer në Shqipëri. Sikur, njëherë në muaj të paktën, të ndaleshim dhe të jepnim një mesazh tjetër, një anti-mesazh ndoshta.

Për ata që do ta lexojnë këtë si një "shërbim" të Politiko për Ramën...oh, well, who cares!

Intervistoi : L. C.

Krogerus, rreth tre vjet më parë, ju patët një intervistë atipike (sipas meje) me kryeministrin shqiptar, Edi Rama. Çfarë përshtypjeje ju krijoi deklarata e tij "shpresoj se, ndonjë ditë, nuk do të vras veten"?

Epo, pak para kësaj, ne sapo kishim folur për Niklaus Meienberg, gazetarin më të famshëm zviceran, i cili kishte gjatësinë e Ramës. Ai u rrah në hyrje të apartamentit të vet. Kjo e dërrmoi krejtësisht, sepse ai humbi besimin te trupi i vet, në të qenit i fortë. Zoti Rama është rrahur keq në hyrje të shtëpisë, gjithashtu. Kështuqë donim të dinim: cili ishte efekti i kësaj? Ai tha se rrahja ishte një përvojë e tmerrshme. Më pas ne i thamë se z. Meineberg vrau veten. Pas kësaj z. Rama buzëqeshi dhe tha, në një mënyrë lojcake, por gjithashtu pensive: Shpresoj që nuk do të vras veten një ditë. Nuk ishte një koment suicidal. Më shumë një ngushëllim respektues për z. Meienberg dhe gjithashtu një koment i ndjerë për jetën në përgjithësi.

Çfarë përshtypjeje të la ajo intervistë: së pari si gazetar me eksperiencë dhe, e dyta, si zviceran?

Ne folëm me të për ndoshta një apo dy orë. Më la përshtypjen e një politikani deridiku të lodhur dhe të bjerrë. I lodhur nga politika e ditës dhe zgjedhjet. Në të njëjtën kohë pata një ndjesi të fortë se po flisja me një mendje të shkëlqyer, kreative dhe angazhuese. Një artist në trupin e një ish-basketbollisti, me vertebralen e një politikani të ndershëm dhe të përkushtuar. Një europian i vërtetë. Si zviceran më duhet të them: sikur ne të kishim një politikan si Rama në parlamentin tonë!

Nëse unë vij në Zurich dhe përmend fjalën 'shqiptar', cili do të ishte reagimi i njerëzve? Çfarë do të thotë Shqipëri për një zviceran?

Mendoj se imazhi, dikur i pafavorshëm i shqiptarëve në Zvicër, ka ndryshuarr rrënjësisht përgjatë viteve të fundit. Sot ata janë një pjesë e rëndësishme e shoqërisë zvicerane (dhe kombëtares zvicerane të futbollit).