Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Video/ Çfarë thoshte Rama në 2013-n për foton e policëve me Arben Frrokun (më vonë aleat i Kryeministrit) dhe çfarë thotë tani për implikimin e Tahirit

Politiko 23 Tetor 2017, 12:09

Video/ Çfarë thoshte Rama në 2013-n për foton e

Gazetarja Luljeta Progni ka postuar në faqen e vet në Facebook atë që ajo quan 'fotografia e krimit dhe dy standardet e Edi Ramës". Ajo ka zbardhur deklaratën e Edi Ramës kur ishte kryetar i opozitës, në shkurt 2013, dhe deklaratën e sotshme. Rama mban dy qëndrim katërcipërisht të ndryshme për një çështje që ka në thelb implikimin e struktuarve të policisë me krimin. Bëhet fjalë për një foto të, asokohe nëndrejtorit të Policisë Agron Kuliçaj, me Arben Frrokun i dyshuar për vrasjen e komisarit Lamaj. Ironia qëndron te fakti se Frrokajt (Mark dhe Arben) u bënë aleatë të Ramës kur ai erdhi në pushtet. Mark Frroku u bë deputet dhe aleat i ngushtë i PS në Kuvend, ndërsa i vëllai biznesmen, i hetuar dhe dyshuar për vrasjen e komisarit, u pa për herë të fundit në një kafe me Kryeministrin Rama gjatë një vizite të shefit të qeverisë në Pukë. Kjo ishte hera e fundit që Frrokaj, në kërkim nga drejtësia, u pa në Shqipëri.

Më poshtë dy deklaratat e zbardhura:

“Historia e fotografisë së djeshme është e frikshme, është rrënqethëse ku shfaqet zvdrejtori i përgjithshëm i policisë së shtetit me të tjerë zyrtarë shoqëruar më kriminelë. Është një kulmim i degjenerimit të shtetit ku realisht nuk gjendën më fjalë.

Alibia e djeshme e Kuliçit famëkeq dhe deklarata e mëpasme e Burgajt hileqar, janë mishërimi i tradhëtisë ndaj Policisë së Shtetit. Dorëheqja nga hetimi i të fotografuarve me njeriun e të akuzuarve për vrasjen e komisarit, është një mënyrë e padenjë për të fshehur të vërtetën. Atë të vërtetë që në fakt duket haptas nga alibia vetdemaskuese e vetë drejtorit për atë alibi dhe deklarata demaskuese e drejtorit për atë histori. Heshta e ministrit të Brendshëm është kapaku i një historie që duhet të vazhdojë me dorëheqjen e të treve minimalisht, të ministrit, drejtorit të përgjithshëm dhe zvdrejtorit të përgjithshëm. Kjo trio është mallkimi i Policisë së Shtetit, është fytyra e tradhëtisë që i bëhet Policisë së Shtetit. Është truri i korrupsionit dhe kontrabandës, është veshi që merr fjalë dhe goja që i jep fjalë krimit. Kjo trio ka bekimin dhe dijeninë e kryeministrit.

Ja pse është thyer ekuilibri në favor të krimit në fushën e betejës ku shteti është tërhequr e krimi ka marrë yrysh në bashkëpunim me kupolën drejtuese të ministrisë së Brendshme dhe të Policisë së Shtetit….O shqiptarë që ende shkoni symbylltaz si tifozë besnikë ndaj partisë në pushtet, hapni sytë se kjo nuk është lojë me top futbolli ditën e dielë por një lojë me jetën që po bëhet përditë e më e pasigurt”.

Edi Rama kryeministër, 23 tetor 2017

“Kërkesa e prokurorisë për arrestimin e Saimir Tahirit, është e papranueshme sepse është arbitrare dhe kërkesën për arrestim e refuzojmë unanimisht. Do ta ngrejmë dorën kundër arrestimit të mërkurën. Saimiri Tahiri do të jetë një njeri i lirë dhe deputet i lirë, për të bërë betejën e tij të lirë jashtë forumit të partisë dhe jashtë grupit parlamentar të PS-së.

Si mund të bëjë vaki sot ku Shqipëria ka dalë nga tranzicioni me statusin kandidat për në BE dhe pret të çelë negociatat për anëtarsim në BE që ça muhabete të lllumit të kazanit të krimit të dala në kazanin e medias pasi janë zier me mijëra herë në ball-kazanin e politikës të përdoren për të arrestuar një deputet me burg pa e marrë në pyetje?! Lëre pastajt hetime të thelluara dhe prova të faktuara që as bëhet fjalë.

Ku u gjet ky zell i panjohur i një Prokurorie Krimesh të Rënda që nuk ka lëvizur gishtin që kur ka lindur jo për ndonjë nga mijëra akuzat e ngritura sheshit nga njerëz publikë, jo përgjime nga llumi i krimit por as për ca fakte dhe prova që dihen dhe shihen ashiqare si të dyshimta dhe shumë të dyshimta madje në pasqyrën e viteve të jetës së kësaj prokurorie, kurrë, as edhe njëherë.

Po pse ku jemi ne, në cilën epokë të gurit apo drurit që u gjetka kurajoja për të sfiduar Kushtetutën, ligjin, parlamentin e shtetit shqiptar për ti prerë faturën e burgut një deputeti me katër fletë bakalli, që do ofendonte çdo bakall, do ta ofendonte dhe blerësin më hutaq duke i dhënë një faturë ku llogaria mbaron me etj.

Kujt dhe për llogari të kujt deshën t’ia shesin këtë faturë arresti me burg të një deputeti? Këta prokurorë, të cilëve ky popull u ka besuar drejtësinë për krimet më të rënda, ndëshkimin për vrasësit, trafikantët, të korruptuarit e këtij vendi. O Zot! Kështu i luftojnë kriminelët këta?! Me etj? Dhe pastaj e zgjidhim rrugës a ishte ti, apo ishte një tjetër që ja morën jetën një etj mes shumë etj për të cilët zemrat e të përvëluara të familjarëve të shkretë vazhdojnë të kërkojnë drejtësi…..