Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Video/ Dënon deklaratën e Bërnabiç për shqiptarët, sekretari i PS harron ç’deklaronte Rama në Kuvend: Erdhe nga pylli...

Politiko 31 Maj 2019, 11:57

Sekretari për Marrëdhëniet me Shoqërinë Civile dhe Mediat ne PS, Alfred Peza dënon deklaratën raciste  të kryeministres serbe Ana Bërnabiç, kur tha se “shqiptarët janë njerëz pylli”.

Në një reagim në rrjetet sociale, ai shkruan se “brezi i ri i politikanëve serbë, duhet të reflektojë minimalisht një gjuhë të denjë për epokën ku jetojmë dhe jo atë të paraardhësve të tyre, të shekullit të kaluar”.

Por, nga ana tjetër, etiketime të tilla janë jo pak të përdorura edhe nga vetë politikanët shqiptarë. Kujtojmë se kryeministri Edi Rama në një seancë parlamentare në 2016-ën i cilësonte deputetët e opozitës njerëz të dalë nga pylli.

Video:

Reagimi i Pezës:

Për racizmin e Kryeministres së Serbisë ndaj shqiptarëve!

BE ka reaguar ndaj deklaratës raciste të Kryeministres serbe Ana Bërnabiç, ndaj shqiptarëve. Ngjarja ndodhi në prani të ambasadorit të BE në Beograd, italianit Sem Fabrizi.

Në momentin e prezantimit Progres- Raportit të KE, për çështjen e dialogut Prishtinë- Beograd, Bërnabiç tha se Serbia është racionale, ndërsa Kosova joracionale: "Keni punë me njerëz që shprehimisht kanë dalë nga mali. Atyre aq u bën a është luftë atje apo jo dhe kjo më frikëson".

Maja Kocijançic, zëdhënësja e kryediplomates së BE, Federica Mogherini, tha se “ngjarjet e ditëve të fundit kanë treguar qartë se dialogu mes Prishtinës e Beogradit, duhet të rezultojë me një marrëveshje të qëndrueshme dhe afatgjatë për normalizim të marrëdhënieve."

Deklarata e kryeministres serbe tregon se në Beograd, ende ka linja që i shohin shqiptarët në dritën e Jovan Cvijiçit që na përcaktonte si "popull i pagdhenur", Vaso Çubrilloviçit autor i strategjisë së dëbimit të shqiptarëve nga Kosova me terror shtetëror, Vlladan Gjorgjeviçit që i cilësonte shqiptarët si "raca më e ulët" dhe Dobrica Qosiçit që i quante shqiptarët "mbetje morale" të Ballkanit.

Brezi i ri i politikanëve serb, duhet të reflektojë minimalisht një gjuhë të denjë për epokën ku jetojmë dhe jo atë të paraardhësve të tyre, të shekullit të kaluar. Pa u çliruar nga kompleksi historik ndaj shqiptarëve, serbët nuk kanë për tu bërë dot kurrë, qytetarë të denjë të BE.

Të fundit