Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Video/ Gazetarja: Ndërkombëtarët po manipulohen nga qeveritë, reagon Milo: Ç’e ke këtë guxim të tepruar

Politiko 29 Mars 2019, 07:45
Video/ Gazetarja: Ndërkombëtarët po manipulohen nga

Ish-ministri i Jashtëm Paskal Milo ka debatuar me gazetaren Erisa Zyka, ndërsa kjo e fundit deklaroi në një lidhje live nga Brukseli se Komisioni Evropian është i manipuluar nga qeveritë në Ballkan, lidhur me raportet që publikon.

Gjatë debatit në emisionin "360 Gradë" në RTV Ora, Zyka tha se ata që mendojnë që raportet nuk reflektojnë realitetin janë vendet anëtare, janë 28 shtete anëtare të cilat nuk janë gati të hapin negociatat e anëtarësimit me Shqipërinë, një deklaratë që nga Milo është konsideruar e guximshme.

Debati:

Zyka: Reformat në përgjithësi kanë bërë hapa prapa. Jemi 10 vjet më mbrapa.

Milo: Vlerësimi që ju bëni duke thënë kanë bërë hapa prapa është i juaji personal apo i institucioneve evropiane? Sepse raportet e PE dhe KE janë optimiste dhe vlerësuese, pavarësisht se ato analizojnë edhe të meta, raportet kanë qenë vlerësuese edhe pozitive, ndonëse nënvijëzojnë edhe të meta. Ju na thoni që këto raporte janë negative, unë nuk e besoj se janë të tilla. Tani duhet të ndash analizën tënde personale, nga analiza e institucioneve evropiane.

Zyka: Është një perceptim që e kanë shtetet anëtare të BE-së. Nuk falas në emër personal. Paraqitja e raporteve pozitive është nga të gjitha vendet e Ballkanit. Madje, shprehja që ekziston në Serbi është që: 'Sa më shumë kapituj që hapen me Serbinë, më pak demokratike bëhet Serbia'. KE është treguar pozitiv dhe ne e kemi analizuar. Ata që mendojnë që raportet nuk reflektojnë realitetin janë vendet anëtare, janë 28 shtete anëtare të cilat nuk janë gati të hapin negociatat e anëtarësimit me Shqipërinë, në këtë moment 6 vjet pas marrjes së statusit. Të gjitha reflektojnë shqetësimin që kemi hapa mbrapa.

Milo: E njoh si funksionon vendimmarrja në BE. Por atë raport që nxjerr KE e ka të konsultuar më parë.

Zyka: Konsultimi është bërë vetëm me qeveritë. Dhe kritika kryesore që i bëhet KE është që është e manipuluar nga qeveritë në Ballkan, të cilat kanë mësuar ta manipulojnë.

Milo: Po si moj një qeveri si Shqipëria manipulon KE në Ballkan, kjo është tezë e tepruar. Ç’e ke këtë guxim të tepruar të flasësh në këtë mënyrë për një institucion serioz evropian.

Të fundit