Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Video/ Incidenti në prani të Ballukut dhe Nikollës, qytetari dhunohet se po flimonte takimin

Politiko 30 Mars 2019, 13:05
Video/ Incidenti në prani të Ballukut dhe Nikollës, qytetari

Një incident i rëndë ka ndodhur ditën e djeshme në zonën e Kurbneshit në Mirditë, ku ministrja e Infrastrukturës, Belinda Balluku dhe deputetja e PS, Lindita Nikolla, kishin mbërritur për një takim me banorët. Duke përfituar nga prania e zyrtareve socialiste, një grup banorësh ishin mbledhur për të protestuar kundër ndërtimit të një hec-i, për të cilin thonë se rrezikon të lërë pa ujë të pijshëm fshatin Lufaj.

I pranishëm në takim ishte edhe kryebashkiaku Ndrec Deda, që po bisedonte me protestuesit, por kur njëri prej tyre nxorri telefonin për të filmuar, u dhuna nga një prej zyrtarëve të bashkisë. Zyrtari shihet teksa i merr telefonin nga dora banorit dhe ia përplas në tokë, për të vijuar më pas me kërcënime.

Nikolla ndërhyri duke u përpjekur të qetësojë situatën, por pa sukses.

Në videon e publikuar nga ‘Fax News’, dëgjohet se si zyrtari i bashkisë dhe kryebashkiaku Deda shprehen të irrituar përse po filmoheshin nga qytetari, a thua se nuk janë funksionarë publikë.

Mësohet gjithashtu se aktiviteti i Ballukut dhe Nikollës është xhiruar nga regjia e ‘Edi Rama Tv’, ndërsa gazetarët lokalë nuk janë lejuar të filmojnë.

Mbërritja e Ministres së Energjitikës dhe Infrastrukturës Belinda Balluku gjatë ditës së djeshme në zonën e Kurbneshit është shoqëruar me një incident mes banorëve dhe përfaqësuesve të Bashkisë së Mirditës.

Shkak për këtë është bërë fakti se disa prej banorëve që kanë kundërshtuar fuqishëm ndërtimin e HEC-eve ishin duke filmuar në momentin kur kryebashkiaku Ndrec Deda po sqaronte se pse HEC-i duhej ndërtuar në zonë. Nga ndërtimi i këtij HEC-i rrezikonte të mbetej pa ujë të pijshëm fshati Lufaj, i njësisë administrative Selitë.

Një prej punonjësve të Bashkisë që ai drejton i ka thyer telefonin një prej qytetarëve, çka shkaktuar jo pak tension mes palëve. Në ato momente ka ndërhyrë dhe ish-ministrja e Arsimit Lindita Nikolla, e cila është njëherësh dhe deputete në qarkun e Lezhës.

Ajo ka kapur prej krahu dhe është munduar që të qetësojë banorin me fjalët ‘’qetësohu zemër”, po kjo e ka irrituar edhe më shumë qytetarin, shkruan Faxëeb.al.

Sa i përket protestës kundër hec-it, ajo është mbështetur edhe nga ipeshkevi i Mirditës, Gjergj Meta.

Të fundit