Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Video/ 'Kur presidenti dhe kryeministri paguajnë më vete drekën', Lutfi Dervishi: Mendoni si do të ishte një skenë e tillë në Shqipëri

Politiko 30 Gusht 2019, 15:29

Video/ 'Kur presidenti dhe kryeministri paguajnë më vete

Gazetari Lutfi Dervishi, përmes një postimi në Facebook sjell në vëmendje disa fakte nga koha kur kryeministër i vendit ishte Aleksandër Meksi, duke evidentuar shpenzimet e luksin e qeverisë të asaj kohe.

Duke përmendur se ka pasur një bisedë me ish-kryeministrit Meksi, Devishi shkruan se në kohën e tij udhëtimi bëhej me “economi class” e me minimum delegacioni jashtë e jo më shumë se 2-3 ditë, ndërsa makinat ishin të kohës Çarçani e Benz kishin vetëm 5-6 veta.

Dervishi sjell edhe një video nga rasti i Presidentit amerikan Barak Obama dhe zëvëndëspresidentit Bajden, të cilët paguajnë veç e veç një një fastfood.

“Tani mendojeni pak si mund të ishte kjo skenë në Shqipëri”, shkruan Dervishi.

Reagimi i plotë:

Kur kafet i paguante kryeministri dhe drekën Presidenti!

Në vijim të postimit të djeshëm, sot në mëngjes mora një mesazh nga ish kryeministri Meksi.

“ …në kohën e qeverisë Meksi kafet që pinim ne paguheshin nga ne. Vetëm për delegacionet e huaja i paguante shteti.

Udhëtonim në “economi class” e me minimum delegacioni jashte e jo më shumë se 2-3 ditë.

Mbajtëm makinat e kohës Çarçani e Benz kishin vetëm 5-6 veta…e

etj e tj”

Pasi i mora leje për publikim këtij mesazhi i them se kjo ngjarje ka ndodhur në shekullin e kaluar.

Përgjigja e ish kryeministrit Meksi: “Rusmali veç Gjermanisë mësoi edhe tek ne se ka punuar me mua ne Kryeministri”

Dorëheqja e Rusmalit në vitin 2008 vendosi një standart që jo vetëm e kemi harruar, por e kemi ndëshkuar! (Bashkëngjitur shkresa kur ministri paguante nga rroga kur tejkalonte në drekë zyrtare shpenzimet. Shuma 3200 lekë sot për dikë mund të tingëllojë qesharake, por integriteti zyrtarit të lartë gjykohet si i shpenzon jo milionat por qindarkat publike)…

Kur Presidenti paguan vetë drekën….

Një video disa sekonda e Presidentit dhe zv/presidentit të SHBA e vitit 2008 më ka mbetur në mendje që nga momenti që e kam parë.

Mund t’u kujtohet një video e shkurtër e Presidentit Obama dhe zëvëndëspresidentit Bajden.

Të dy shkojnë në një lokal për drekë. Lokali është “fast food”.

Futen në lokal. Secili radhë. Secili paguan vetë. Secili merr kusurin. Ulen dhe hanë drekën.

Tani mendojeni pak si mund të ishte kjo skenë në Shqipëri:

Pamja e parë: kamerat dhe rojet.

Pamja e dytë: pronari i lokalit që pret buzë e gaz klientët vip.

Pamja e tretë: kamarjerë që servirin ushqim dhe pronari që ka zënë vend në tavolinë në mos me shefat aty ngjitur.

Edhe nëse do të kishte ndonjë tentativë për të paguar vetë drekën: nuk do të bëhej fjalë. Kamarjeri nuk do të merrte paratë. Pronari do të ndihej i turpëruar… dhe nëse do të kishte këmbëngulje për të paguar rrezik të niste sherri për të mos paguar.

Kush është kurioz për të parë se si qëndron në radhë dhe si paguan vetë Presidenti i SHBA-së le të shohë videon e mëposhtme…

https://www.youtube.com/watch?v=2EBvUO9D880&fbclid=IwAR075kBqqkWSShVd2qPDwCOLEdI_RRU7ephQcv80mkIdKu9b-7V8__VCxt8