Sot, Partia Demokratike ka bërë publike kartelën e dënimit në Itali për trafik droge të Valdrin Pjetrit, përfaqësuesi i PS i dalë fitues në zgjedhjet e 30 qershorit për Bashkinë e Shkodrës.
Sipas këtij dokumenti, Pjetri është dënuar me 18 muaj burg dhe 1 mijë euro gjobë në Itali për trafik droge dhe se u arrestua në flagrancë në Firence më 27 janar 2003.
Por çfarë deklaronte Valdrin Pjetri për gazetarët pak ditë më parë, kur u pyet nëse ndaj tij ka patur një dënim në Itali.
“Jo, jo në mënyrë kategorike”, mohoi Pjetri për gazetarët, gjatë një prononcimi disa ditë më parë.
