Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Video/ Shkeljet rrugore, Policia e Tiranës arreston 23 persona në një javë

Politiko 30 Korrik 2019, 10:03
Video/ Shkeljet rrugore, Policia e Tiranës arreston 23 persona në

Policia e Tiranës ka arrestuar 23 persona për shkelje të rregullave të qarkullimit rrugor, si dhe ka pezulluar 90 leje drejtimi gjatë javës së fundit, në kuadër të masave për më shumë siguri në rrugët e metropolit shqiptar.

Rrugorët kryeqytetit kanë ndjekur dhe zbatuar detyrimet e planit të veprimit për mjetet me xhamat e portave të para të errësuar, sistemet shtesë pamore dhe zanore, si dhe patrullimet me përzgjedhje gjatë fundjavës, për parandalimin, konstatimin dhe verifikimin e shkeljeve, që janë burim i shtuar për aksidente rrugore, si drejtimi i mjetit nën efektin e alkoolit apo shpejtësia mbi normat e lejuara.

Policia e Tiranës në një njoftim për shtyp informoi se në funksion të planit të veprimit, përgjatë javës:

  • janë arrestuar në kushtet e flagrancës 23 shtetas, nga të cilët 9 për drejtim mjeti në gjendje të dehur, 11 të papajisur me leje drejtimi si dhe 3 drejtues mjeti për veprën penale "korrupsionit aktiv ndaj personave që ushtrojnë funksione publike".

  • janë pezulluar 90 leje drejtimi, nga të cilat 38 për drejtim mjeti nën efektin e alkoolit, 34 për shpejtësi mbi normat e lejuara, si dhe 18 për shkelje të tjera të rregullave të qarkullimit rrugor.

  • janë proceduar administrativisht 25 drejtues mjetesh, për mosrregullim shpejtësie dhe gara me shpejtësi.

  • janë proceduar administrativisht 102 drejtues mjetesh për xhamat e portave të para të errësuar.

  • janë proceduar administrativisht 3 drejtues mjetesh për posedim të sistemeve shtese pamore dhe zanore.

  • janë proceduar administrativisht 325 drejtues mjetesh për përdorim të aparatit celular, gjatë drejtimit të mjetit.

  • janë proceduar administrativisht 190 drejtues motomjetesh, për mospërdorim të kaskës mbrojtëse.

  • janë proceduar administrativisht 45 drejtues mjetesh, për mosdhënie përparësie ndaj këmbësorëve.

  • janë vendosur 2450 masa administrative, për shkelje të tjera të rregullave të qarkullimit rrugor.

Të fundit