Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Video-skandali në Austri/ ‘Die Press’ rikthen rastin e Ilir Metës: Në Shqipëri “ngrihesh në detyrë”, Rama e ftoi LSI-në në aleancë

Politiko 20 Maj 2019, 10:01

Video-skandali në Austri/ ‘Die Press’ rikthen rastin e Ilir

Pas publikimit të video-skandalit me protagonist Heinz-Christian Strache, teksa u premtonte oligarkëve rusë favore nga paratë e taksapaguesve, nëse ata e ndihmojnë në zgjedhje, Austria ka vendosur të shkojë në zgjedhje të parakohshme.

Publikimi i këtij rasti solli menjëherë dorëheqjen e Heinz-Christian Strache e pas tij edhe kancelarit Heinz-Christian Strache

Por, një situatë e ngjashme kaloi edhe Shqipëria në fillim të 2011-ës, por asnjë politikan i përfshirë nuk preferoi të jepte dorëheqjen dhe të përballet me drejtësinë, por përkundrazi “mund të bësh karrierë politike”.

Media e njohur austriake ‘Die Press’ ka rikthyer rastin e Ilir Metës, i cili u përfshi në një video-skandal. Në atë kohë zv.kryeministër, Meta shfaqej bashkë me Dritan Priftin, ish-ministër i Energjetikës diskutonin midis tyre për disa afera korruptive.

Në këtë pjesë të bisedës, që mendohet të jetë regjistruar më 1 mars të vitit 2010, janë përmendur shifra 7 për qind, apo 700, që me sa kuptohej, besohet se u ishte premtuar dy bashkëbiseduesve, si shpërblim, në këmbim të dhënies së koncesionit për hidrocentralin personit me emrin Gimi.

Pas publikimit të videos, Meta mohoi akuzat dhe e cilësoi një montazh. Po ashtu, ai dha dorëheqjet nga postet e tij si zëvendëskryeministër dhe ministër i Ekonomisë, por pavarësisht traziarve të shkaktuara më 21 janar në bulevardin përballë kryeministrisë ku mbetën të vrarë 4 protestues, sërish Edi Rama, kreu i PS, ftoi Ilir Metën, ish kreun e LSI në koalicion, duke fituar kështu zgjedhjet parlamentare të 2013-ës.

“Fakti që një video inkriminuese duhet të çojë fundin e një karriere politike, në disa raste ndodh e kundërta, ky fakt nuk e pengon aspak ngritjen në detyrë, sic është shembulli i Ilir Metës në Shqipëri. Në klimën politike të tensionuar të shqiptarëve, video menjëherë ngjalli zemërimin e masave. Kur demonstruesit e zemëruar të opozitës në atë kohë PS u përpoqën të sulmonin ndërtesën e qeverisë, katër protestues u qëlluan për vdekje. Meta mbijetoi stuhinë politike dhe ligjore pas tërheqjes së tij strategjike. Më kot, prokurori kërkoi dy vjet burg. Socialistët në vitin 2013 kishin nevojë për një partner koalicioni. Shefi i saj Edi Rama iu drejtua Metës dhe partisë së tij LSI dhe krijuan një aleancë, ndërsa sot Meta është president i republikës së Shqipërisë”, shkruan ndër të tjera media e njohur ‘Die Press’. /Politiko.al/