Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Video/ Veliaj “ekzaltohet” nga fjala e Ramës, Balla i zë ekranin Bashës; 4 minutat jashtë kornize të politikanëve

Politiko 19 Maj 2018, 20:23
Video/ Veliaj “ekzaltohet” nga fjala e Ramës, Balla i zë

Për shkak të situatave të nxehta dhe ngjarjeve të shumta që ndodhin, disa momente të politikanëve ikin pa u vënë re. Shpesh gjuha e gjesteve i tradhton politikanët dhe ata përcjellin mesazhe të shumta pa folur.

Rubrika humoristike e emisionit “Kjo Jave” në Neës24, nuk ka lënë pa kapur momentet më pikante të një jave ku audiopërgjimi i vëllait të ministrit Fatmir Xhafaj ka qenë kryefjala. Një moment gazmor është kur në dalje të konferencës së jashtëzakonshme për shtyp, deputeti demokrat Enkelejd Alibeaj i thotë nëpër dhëmbë deputetit tjetër Gazmend Bardhi: “Gazi dil nga ana tjetër, nga ana e televizorit”. Të njëjtën gjë i thonë edhe gazetarët kryetares së LSI-së, Monika Kryemadhi, pas daljes nga seanca parlamentare: “Zonja Kryemadhi bëni pak më përpara”. “Pak më përpara, ku doni ju?”, i përgjigjet ajo.

Një tjetër moment pikant është kur kryetari i PD, Lulzim Basha, hap në lidhje LIVE në Facebook të xhiruar me celular, pasi kryetari i Kuvendit, Gramoz Ruçi i ndaloi fjalën. Pikërisht në këtë moment, kreu i grupit parlamentar të Partisë Socialiste, Taulant Balla, ka dalë përpara kamerës duke drejtuar dy gishtat (simbol i PD) në mënyrë ironike.

Nuk ka shpëtuar as reagimi me nerva i deputetit Erion Braçe gjatë komisionit ku u drejtohet deputetëve të PD: “Si të doni më, unë jua krijova mundësinë të flisni. Ju s’doni. Ikni, çfarë t’ju them”. Po ashtu dhe kur i drejtohet një zonje në krah: “O zonjë, po boll mi boll. Boll tani. Po flas unë, a ka mundësi të flas unë”.

Por edhe “ekzaltimi” i kryebashkiakut Erion Veliaj teksa Rama flet për të shihet ashiqare në videon e mëposhtme.

Të fundit