Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Virusi i ri nga Kina, OBSH po shqyrton mundësinë e shpalljes së emergjencës ndërkombëtare

Politiko 21 Janar 2020, 11:12

Një person i katërt në Kinë ka vdekur nga një virus i ri që është përhapur me shpejtësi në të gjithë vendin, pasi autoritetet konfirmuan se ai është ngjitës dhe mund të kalohet nga personi në person, shkruan BBC.

Një burrë 89 vjeç ishte viktima e fundit, pasi jetonte në Wuhan, qyteti ku ishte edhe ‘vatra’ e shpërthimit.

Më shumë se 200 raste janë raportuar deri tani nëpër qytetet kryesore në Kinë përfshirë Pekinin dhe Shanghai.

Organizata Botërore e Shëndetit (OBSH) po shqyrton mundësinë për shpalljen e emergjencës ndërkombëtare të shëndetit publik mbi virusin, siç bëri me gripin e derrit dhe Ebola-n. Vendimi do të merret në një takim të mërkurën.

Komisioni Kombëtar i Shëndetit i Kinës të hënën konfirmoi për herë të parë se infeksioni mund të transmetohet nga njeriu në njeri. Ajo tha se dy njerëz në provincën Guangdong ishin infektuar në këtë mënyrë.

Në një deklaratë të veçantë, Komisioni Shëndetësor Komunal Wuhan tha se të paktën 15 punëtorë mjekësorë në Ëuhan gjithashtu janë infektuar me virus, për shkak të kontaktit me pacientët. Të gjithë ata po mbahen në izolim ndërsa po trajtohen.

 

 

 

 

 

 

 

 

 

 

 

 

 

 

Ku është përhapur virusi?

Sëmundja u identifikua së pari në Wuhan, një qytet qendror kinez me 11 milionë banorë, në fund të vitit të kaluar.

Aktualisht ka 218 raste të konfirmuara të virusit në Kinë, sipas OBSH.

Një numër i vogël rastesh janë identifikuar edhe jashtë vendit: dy në Tajlandë, një në Japoni dhe një tjetër në Korenë e Jugut. Ata ishin kthyer kohët e fundit nga Wuhan.

Autoritetet në shumë vende, përfshirë Australinë, Singaporin, Hong Kongun, Tajvanin dhe Japoninë kanë rritur kontrollimin e pasagjerëve ajror nga Wuhan.

Po ashtu, edhe autoritetet amerikane javën e kaluar njoftuan masa të ngjashme në aeroportet në San Francisko, Los Angeles dhe New York.

Virusi, i njohur gjithashtu si 2019-nCoV, nuk është identifikuar më parë tek njerëzit.

Besohet se kanë origjinën nga kafshë të infektuara në Wuhan. BBC

Të fundit