Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Vizita e ‘Trekëndëshit të Roterdamit’ në Tiranë: Janë dy grupe kriminale në Holandë; anëtarët e atyre aq sa rezidentët shqiptarë

Politiko 9 Nëntor 2017, 11:08
Vizita e ‘Trekëndëshit të Roterdamit’ në

Holanda po shkon gjithnjë e më shumë drejt një pozicioni zyrtar politik për rikthimin e vizave me Shqipërinë. Mediat e këtij shteti kanë raportuar vizitën në Tiranë të ashtuquajturit ‘Trekëndëshi i Roterdamit për Rendin Publik dhe Sigurinë’, ku përfshiheshin kryebashkiaku i Roterdamit, Ahmed Aboutaleb, shefi i policisë Frank Paauë dhe shefi i drejtësisë Marc van Nimëegen. Ata zhvilluan takime me homologët e tyre dhe me kryeministrin Edi Rama.

Sipas kryepolicit, Frank Paauw janë dy grupe kriminale shqiptare që veprojnë në Holandë. I pari merret me emigrimin e paligjshëm drejt Britanisë së Madhe, ku vetëm në një vit janë ndaluar të paktën 700 persona që kanë tentuar të kalojnë me kamion, në mënyrë ilegale drejt shtetit ishullor.

Por grupi i dytë është edhe më shqetësues për autoritetet pasi merret me krimin e organizuar, veçanërisht në Roterdam dhe Amsterdam. Kjo përfshin aktivitete kriminale si trafiku i drogës, pastrimi i parave dhe trafikimi i qenieve njerëzore.

Autoritetet holandeze theksojnë se numri i shqiptarëve të dyshuar të përfshirë në aktivitete kriminale është po aq sa numri i shqiptarëve të regjistruar si resident në Holandë.

“Trafiku i kokainës dhe trafikimi i njerëzve janë në qendër të biznesit të tyre, ndërkohë që punojnë vazhdimisht me grupet e kombësive të tjera. Kriminelët shqiptarë janë një grup gjithnjë në rritje në trafikun e drogës në Holandë dhe në të gjithë Evropën”, ka deklaruar Paauw.

Kryepolici i Roterdamit ka thënë se numri i shqiptarëve të regjistruar në Holandë është rreth 800, por ata besojnë se numri i shqiptarëve që jetojnë në atë shtet është të paktën gjashtë herë më i madh, dhe numri i personave të përfshirë në aktivitete kriminale është i njejtë me numrin e residentëve zyrtarë.

Autoritetet policore dhe ato të drejtësisë kanë bërë thirrje për rikthimin e vizave për Shqipërinë për të parandaluar kriminelët “të rrënjosen në shoqërinë holandeze”.

I gjithë ky shqetësim i autoriteteve holandeze u kalua në heshtje nga zyrtarët e Shqipërisë, ndërsa kryeministri Edi Rama deklaroi pak muaj më parë se refuzon të njoh të ashtuquajturin krim shqiptar në Evrop%.

Të fundit