Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Vizita në Kosovë, Basha: Shqipëria do i bashkohet përpjekjeve për të ngritur një muze për të përkujtuar gjenocidin

Politiko 20 Korrik 2020, 18:28
Vizita në Kosovë, Basha: Shqipëria do i bashkohet

Kreu i PD, Lulzim Basha pas takimit me kryeparlamentaren e Kosovës Vjosa Osmanin zbulon fokusin e bisedës. Përmes një postimi në Facebook ai shkruan se i ka shprehur Osmanit qëndrimin se Shqipëria do t’i bashkohet përpjekjeve për të ngritur një muze në Kosovë për të përkujtuar gjenocidin ndaj shqiptarëve në Kosovë.

Ndër të tjera Basha shkruan edhe se u diskutua edhe për dialgon Kosovë-Serbi me theksin se duhet të jetë objektiv krysor për të ardhmen e vendit.

“Me kënaqësi të veçantë bashkëbisedova sot me Kryetaren e Parlamentit të Kosovës, zonjën Vjosa Osmani, të cilën e njoh dhe personalisht prej gati 20 vitesh, dhe më vjen mirë që një përfaqësuese politike e brezit të ri drejton njërin prej institucioneve më të rëndësishme të Republikës së Kosovës.

I theksova zonjës Osmani, se ashtu siç mblidhemi bashkë në gëzime, duhet të dimë të jemi bashkë edhe në sfida. Ndihma më e mirë që Shqipëria mund të japë, ashtu siç ka bërë në ditët e pavarësimit dhe njohjes së saj ndërkombëtare, apo koordinimit të projekteve të mëdha infrastrukturore, që afruan vendet tona, ashtu dhe në sfidat e tanishme, ajo sot duhet, dhe nesër do të jetë patjetër, mbështetje totale për institucionet e Kosovës dhe qytetarët e Kosovës, kudo ku ata do të kenë nevojë.

“Diskutuam edhe për dialogun mes Republikës së Kosovës dhe asaj të Serbisë.

Natyrisht dialogu ka qenë, është dhe duhet të  jetë rruga për të ecur përpara, por objektivi kryesor i tij, është njohja reciproke mes dy shteteve te pavarura.

Zonja Osmani më shprehu shqetësimin për mungesën e nje muzeu, për të përkujtuar sot e për t'ua lënë si dëshmi brezave që do të vijnë,  vuajtjet, dhunën, genocidin e ushtruar ndaj shqiptarëve të Kosovës.

Shpreha angazhimin dhe përkushtimin tim që Shqipëria do t'i bashkohet përpjekjeve për të ngritur muzeun e kujtesës, në mënyrë që të mos harrojmë të shkuarën, e mbi sakrificën e atyre që dhanë jetën, të ndërtojmë të ardhmen tonë e të fëmijëve tanë”, shkruan Basha.

Të fundit