Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"Vota e ndëshkimit nuk mjafton", Lubonja tregon sakrificën që duhet të bëjë opozita për të rrëzuar Ramën: E ngjashme me '97-tën

Politiko 27 Korrik 2020, 17:54
"Vota e ndëshkimit nuk mjafton", Lubonja tregon sakrificën

Analisti Fatos Lubonja është shprehur se e vetmja mënyrë për të fituar opozita kundër Ramës është që të formojë një koalicion opozitar, pjesë e të cilit të jenë figura, personazhe edhe parti- që s’kanë lidhje me PD-në. Mirëpo, sipas Lubonjës kjo do të kërkonte një sakrificë të madhe pasi do të thotë të sakrifikosh për interesin e përgjithshëm.

Lubonja shprehet se, vota e ndëshkimit nuk mjafton dhe opozitarëve iu duhet të sakrifikojnë për të fituar besimin e popullit.

Në qoftë se miratohen ndryshimet kushtetuese, çfarë duhet të bëjë opozita?

Unë mendoj se ky do të ishte edhe një shanc për opozitën sepse në këtë rast Rama do të demaskohet pasi qartazi kuptohet që ai po bën veprime për interes të tij.

Kështu opozita nëse do të dal nga skemat e vjetra dhe të bëjë sakrificë për popullin, me krijimin e një aleance ta bëjë. Pra e hapim dhe fusim edhe kandidatë që s’kanë lidhje fare me PD-në, nga jashtë partisë. Kështu bëhemi një koalicion i madh për të grumbulluar vota për rrëzimin e Ramës nën një grup, Aleanca për Mbrojtjen e Demokracisë.

Si në 97?

Jo, në 97 nuk ndodhi kjo. Para zgjedhjeve deshën ata, u krijua edhe forumi. Mirëpo, forumi kishte këtë problem, sepse në të kishte edhe parti të majta dhe të djatha dhe problemi qëndronte se si do të qeverisësh nesër, me çfarë programi. Në këtë kuptim ka problem kjo aleanca. Mirëpo, meqënse ky është një vendim i rrezikshëm, ata mund ta gjejnë një zgjidhje të tillë, përmes formimit të koalicionit.

Në 97 me forumin, nga njëra anë fituesit u treguan të zgjuar sepse integruan në qeveri edhe partitë e vogla.

Kjo do kërkonte një sakrificë të madhe në partitë e opozitës?

Pikërisht pra. ose do të hedhësh poshtë egon dhe të sakrifikosh për interesin e përgjithshëm, ose nuk bëhet ndryshe. Vota e ndëshikimit nuk mjafton, sepse nuk e ka besimin e popullit pasi mendohet se “kush do ndëshkojë? Kjo parti politike që sjanë ndëshkuar asnjëherë...”

Prandaj duhet të sakrifikosh për të fituar besimin e popullit.

Të fundit