Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Vrasja e 20 vjeçarit në Fier, Edi Rama mbledh policët: Grabitësi e meritoi, kjo është përgjigjja që do marrin

Politiko 26 Mars 2018, 19:15

Vrasja e 20 vjeçarit në Fier, Edi Rama mbledh policët:

Kryeministri Edi Rama ka mbledhur sot në Kryeministri disa punonjës të policisë për t’i falenderuar për punën që bëjnë për sigurinë e jetës së qytetarëve. Në takim ishin të ftuar edhe pesë policët që u përballen me grupin e grabitësve në Fier, të premten e kaluar.

Në ngjarjen ku mbeti i vrarë një prej grabitësve, 20 vjeçari Xhuliano Sollaku, Rama tha se përgjigjja e policisë ishte e vetmja që meritojnë ata që ngrenë armën ndaj qytetarëve dhe punonjësve të uniformave blu.

“Sot unë shpreh, jo vetëm në emër të qeverisë, por edhe të qytetarëve të zakonshëm, mirënjohjen më të thellë për pesë ndër ju, të cilët ia dolën ta përmbushnin detyrën e tyre me nder edhe pse një tufë grabitësish lëshuan mbi ta plumba, duke e kthyer fushën e veprimtarisë suaj në një fushë-betejë për jetë a vdekje, dhe duke iu bërë ju shpresën e fundit dhe fatmirësisht, mbrojtjen e një çifti të moshuar bashkëshortësh. Ishte po kjo patrullë që për koinçidencë u angazhua në një ndjekje me shpejtësi të lartë deri sa realizoi edhe arrestimin e gabitësve të armatosur që i morën jetën një qyetari, po në Fier. Dhe janë të tillë heronj, heronj të përditshmërisë së punës së policisë së shtetit, heronj që nuk i njohim sepse nuk shfaqen nëpër ekrane, që çdo ditë dhe çdo natë, zhvillojnë një betejë të pabarabartë me krimin, sepse është krimi dhe jo policia që e vendos kohën, vendin dhe mënyrën e përballjes. Është vendosmëria e këtyre heronjve që përcakton fatin e betejës së pabarabartë. E vetmja gjë që mund të zgjedhë punonjësi i policisë në fushën që krimi përcakton, në kohën që krimi dikton dhe në mënyrën se si krimi shfaqet, është karakteri, dhe bindja e paqortueshme se drejtësia dhe përpjekja me zemër dhe mendje në funksion të ligjit dhe të Kushtetuës janë në fakt instrumenti që përbën edhe armën e superioritet të policisë së shtetit ndaj çdo krimi dhe çdo organizate kriminele. Sot është pikërisht karakteri, bindja dhe vendosmëria e këtyre pesë kolegëve që ka vendosur që në shtëpinë e çiftit të moshuar të mos ketë tragjedi por jeta të vijojë normalisht. Do të kishte qenë shumë më mirë nëse grabitësit do të ishin dorëzuar pa qenë nevoja që njëri prej tyre të humbte jetën, por nëse keqbërësit nuk pranojnë të ulin armën dhe me armë kërcënojnë jetën e qytetarëve dhe të policisë, kjo ishte dhe mbetet e vetmja përgjigje që ata mund të marrin dhe e vetmja përgjigje që meritojnë në çdo rast”, deklaroi Rama.

Gjatë tentativës për grabitje në shtëpinë e dy të moshuarve në Fier, mbeti i plagosur edhe 35 vjeçari Arben Muço.