Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Vrasja e dy të rinjve në Lushnje, zbulohen detaje të reja rreth atentatit dhe ngatërresa me emrat e viktimave

Politiko 11 Tetor 2017, 21:31
Vrasja e dy të rinjve në Lushnje, zbulohen detaje të reja rreth

Vrasja e dy të rinjve në Lushnje, mbrëmjen e sotme tronditi mbarë oponionin publik. Në fillim u raportua në media se kishte dy të vdekur, Sajmo Xhelili dhe Zamir Latifi ndërsa të plagosur kishin mbetur Xhulio Shkurti dhe Marjus Xhepexhiu.

Por pas verifikimeve të mëtejshme, policia bëri me dije se të vdekur kanë mbetur Zamir Latfi dhe Jurgen Hoxha. Ndërsa të plagosur janë Marjus Xhepexhiu, 26 vjeç dhe një kalimtar i rastit me inicialet B.T.

Ngatërresa me emrat e viktimave dhe të plagosurve erdhi për shkak të lidhjes së tyre familjare me kreun e bandës së Lushnjes, Aldo Bare.

Xhulio Shkurti dhe Jurgen Hoxha kishin lidhje familjare mes tyre dhe të dy janë nipër të Aldo Bares, ndërsa dy viktimat ishin shokët e ngushtë të Xhulios, djalit të vëllait të Aldo Bares. Një tjetër e dhënë shkaktoi konfuzion ishte edhe fakti se Xhulio Shkurti dhe Sajmo Xhelili më 25 shtator të vitit 2016 mbetën të plagosur në një tjetër atentat, në të njëjtën zonë ku ndodhi ngjarja e sotme.

Për ngjarjen e vitit 2016 ku mbetën të plagosur Shkurti dhe Xheliu nuk u arrestua asnjë person ndërsa i dyshuari kryesor nga policia ishte Laert Haxhiu 25 vjeç.

Policia në njoftimin zyrtar sonte bën me dije se:

Në datën 11.10.2017 në lagjen “Loni Dhamo”, në vendin e quajtur “Ura e Përroit” Lushnje, nga persona të paidentifikuar ende është qëlluar me armë zjarri automatik dhe si pasojë kanë ndërruar jetë 2 shtetas, ka mbetur i plagosur rëndë 1 tjetër, si dhe ka marrë dëmtim të lehtë edhe një shtetas tjetër i cili ndodhet në Spitalin e Lushnjes nën kujdesin e mjekëve pa probleme për jetën.

 Viktimat janë shtetasit Z. L, 23 vjeç dhe J. H., 22 vjeç, banues në lagjen “Loni Dhamo”, Lushnje.

Shtetasi i plagosur rëndë është M.Xh, 26 vjeç, banues në lagjen “Loni Dhamo”, i cili po transportohet për në Tiranë. Si dhe ka marrë dëmtim të lehtë shtetasi B.T, 66 vjeç.

Gjithashtu në Sallën Operative Lushnje ka ardhur një telefonatë se në aksin rrugor Lushnje-Berat, në po digjet një mjet. Grupi hetimor ka shkuar menjëherë ku ka gjetur në automjet tre arme zjarri automatike. Automjeti dyshohet se mund të jetë i autorëve. Është ngritur grupi hetimor i cili po punon për zbardhjen e plotë të ngjarjes.

Janë ngritur pika kontrolli në hyrje-daljet e qytetit me qëllim identifikimin dhe kapjen e autorëve të kësaj ngjarje.

 

Të fundit