Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Vrasja e dyfishtë në Shkodër, ish-polici kishte kërkuar azil në Francë, 3 pistat ku po hetohet

Politiko 15 Korrik 2018, 12:20
Vrasja e dyfishtë në Shkodër, ish-polici kishte kërkuar azil

Ishte ora 6 e mëngjesit të së dielës kur në Policinë e Shkodrës u raportua një krim i rëndë në lagjen Naim Gjylbegu të qytetit. Me të mbërritur në vendin e ngjarjes uniformat blu gjetën të ekzekutuar këtë makinë një çift të rinjsh. Viktimat janë 30-vjeçari Boran Bërçama dhe bashkëjetuesja e tij Silvi Ndoci, 27 vjeç, që shihni në këtë foto.

Mbi ta ishte derdhur një breshëri plumbash pasi në vendin e ngjarjes u gjetën mbi 20 gëzhoja. Për fat të mirë ka shpëtuar djali i çiftit vetëm 1 vjeç i gjetur i ulur në ndenjësen e pasme të makinës. Foshnja është dërguar në spitalin rajonal të Shkodrës ku mësohet se nuk ka asnjë lëndim përveç traumës së pësuar.

Mësohet se 30-vjeçari kishte punuar si efektiv policie në Komisariatin e Pukës deri në fund të vitit 2016 kur kishte dhënë dorëheqjen pas një mungese të pajustifikuar. Ekzekutimi mafioz ka ndodhur në hyrjen e pallatit ku jetonin. Bëhet fjalë për një atentat të mirëmenduar pasi autorët e kanë pritur çiftin të kthehet në banesë. Ata janë qëlluar pa dalë ende nga makina në një vend i cili nuk mbulohet nga ndonjë kamër sigurie.

Pak orë më pas uniformat blu gjetën një automjet duke u djegur në dalje të qytetit që dyshohet se është përdorur nga autorët. Brenda saj u gjet një armë tip ‘Skorpion’ e cila mendohet të jetë ajo e përdorura në krim. Burimet thonë se Bërçama sapo ishte kthyer nga Franca ku kishte kërkuar azil, por që i ishte refuzuar. Ende nuk dihen motivet e ngjarjes, por grupi hetimor po punon në disa pista. E para lidhet me ndonjë konflikt për shkak të detyrës që Bërçama ka mbajtur. Po verifikohen gjithashtu edhe lidhjet aktuale të 30-vjeçarit pasi dyshohet për përfshirje në aktivitete të paligjshme megjithëse ai nuk regjistron i skeduar për lidhje kriminale. Një tjetër pistë që po verifikohet janë konfliktet familjare. Disa persona janë shoqëruar në komisariat për tu pyetur ndërsa janë marrë edhe dëshmi paraprake të të afërmve të viktimave./Tv Klan

Të fundit