Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Vrasja e Marvi Mihalit, të afërmit: Të zbardhen telefonatat, kush e çoi Marvin aty ku u vra

Politiko 4 Gusht 2017, 22:15

Vrasja e Marvi Mihalit, të afërmit: Të zbardhen telefonatat, kush

Vrasja e Marvi Mihalit mesnatën e 1 gushtit, i cili u vra për një karikues celulari ka tronditur papërjashtim të gjithë opinionin publik. Familja e Marvit janë ende në gjendje shoku dhe nuk duan të japin asnjë deklaratë për mediat, në lidhje me fatkeqësinë që iu ka pllakosur.

Megjithatë janë të afërmit e Marvit ato që gjejnë pak forcë për të thënë diçka në lidhje me humbjen e të afërmit të tyre dhe detajet e asaj nate.

“Ia kemi lënë në dorë shtetit dhe policisë hetimin dhe zbardhjen e plotë të ngjarjes”, bëjnë me dije të afërmit e studentit të Drejtësisë.

Të afërm të të riut që humbi jetën pak ditë më parë në Tiranë nga gjashtë goditje me thikë, sqaruan dje për “Panoramën” se Marvi Mihali nuk kishte blerë dhe as kishte shitur asnjë telefon tek Eugen Bitraj, i akuzuar si autor i vrasjes, por as te personat e tjerë që u përfshinë në krimin e rëndë.

Sipas të afërmve të studentit të ekzekutuar me thikë pranë stadiumit “Selman StÕrmasi”, Marvi Mihali është thirrur në vendin e ngjarjes nga një shok i tij dhe kjo telefonatë është e regjistruar në telefonin e 22-vjeçarit.

“Marvi Mihali ka qenë me të paktën pesë vajza dhe persona të tjerë të fakultetit ku studionte, kur është telefonuar nga një i njohur i tij. Ka dëshmitarë dhe fakte për këtë gjë, pasi personat që ishin në tavolinë e kanë pyetur përse po ngrihej, përse po shkonte”, bënë me dije të afërmit e studentit të vrarë.

Ata thanë se Marvi ka shkuar në skenën e ngjarjes pa e ditur se aty e prisnin persona të pajisur me thikën me të cilën do ta qëllonin më pas në zemër.

“Është bërë kontrolli nga policia dhe sekuestrimi i sendeve të Marvit. I kanë gjetur telefonin e tij, portofolin ku kishte kartën e identitetit dhe disa para të dhëna nga familja. Marvi nuk kishte asnjë thikë, asnjë kaçavidë apo çfarëdo tjetër me vete. Ai shkoi atje pa e ditur çfarë e priste dhe fare i papërgatitur”, theksojnë më tej të afërmit e 22- vjeçarit.

Sipas tyre, studenti i Juridikut është përballur me personat që e vranë pa kontaktuar me ta paraprakisht, pasi në vendin e ngjarjes së rëndë shkoi i telefonuar nga shoku i tij.

“Nuk ka asnjë telefonatë apo mesazh të këtyre personave në telefonin dhe në adresën e Marvit apo e kundërta e kësaj. Ai nuk kishte shitur apo blerë telefon, nuk e lidhte asgjë me këta njerëz”, bëjnë me dije më tej të afërmit e studentit. Panorama