Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Vrasja e tëtëfishtë në Selenicë, ish-këshilltari i Tahirit akuza Gjykatës Kushtetuese: Shfuqizoi ligjin e propozuar nga ministri

Politiko 12 Gusht 2018, 16:36

Ngjarja e së premtes në fshatin Resulaj të Selenicës, ku 24-vjeçari Ridvan Zykaj vrau 8 persona të fisit të tij ka ngjallur reagime të shumta.

Mes tyre është edhe Erlis Hereni, ish-këshilltari i ministrit të Brendshëm, Saimir Tahirit, i cili shprehet se më 26 mars të vitit 2014 u propozua ashpërsimi i Kodit Penal për personat që kapeshim me armë pa leje ose me municione të rënda.

“Por, sipas Gjykatës Kushtetuese (asaj që sot praktikisht është inekzistente), në vitin 2015 këto ndryshime duhet të shfuqizoheshin, pasi binin ndesh me nenin 17 të Kushtetutës, ku parashikohet, ndër të tjera, se ‘kufizimi i të drejtave dhe lirive të njeriut duhet të jetë në përpjesëtim me gjendjen që ka diktuar atë’”, sqaron ai.

Statusin e tij në rrjetin social “Facebook”, ai e mbyll duke apeluar që politikanë të ndërpresin pushimet dhe të veprojnë urgjent për të miratur ligjin e propozuar nga ish-ministri Tahiri.

Reagimi i plotë:

Kush është fjalëtor i zoti sa të bëjë bashkë dy gërma, e për të ngushëlluar familjarët e viktimave të masakrës së Vlorës?

E çfarë tu thuash?

Ngushëllime, Zoti u dhëntë forcë të mbani mendjen e kokës në vend, pa ... si gjithmonë ... në këtë vend, viktimat e pafajshme janë pasojat!!!

E më pas, kujt ti drejtohesh për zgjidhje, që masakra të mos ndodhë më?

***

Në datë 26 mars 2014, ish-ministri i Brendshëm, Saimir Tahiri, prezantoi në emër të Qeverisë propozimet e ndryshimeve në Kodit Penal, ndër të cilat ashpërsimin e dënimeve për përdorimin dhe mbajtjen pa leje të armëve luftarake dhe municioneve, duke parashikuar që masa e dënimit të shkojë nga 5 vjet deri në 8 vjet burgim dhe në rrethana cilësuese, nga 15 vjet në 20 vjet burgim. Kjo e fundit është rrethana kur eksplozivi ose lëndët plasëse mbahen, transportohen, trafikohen për qëllime kriminale!!!

Por, sipas Gjykatës Kushtetuese (asaj që sot praktikisht është inekzistente), në vitin 2015 këto ndryshime duhet të shfuqizoheshin, pasi binin ndesh me nenin 17 të Kushtetutës, ku parashikohet, ndër të tjera, se “kufizimi i të drejtave dhe lirive të njeriut duhet të jetë në përpjesëtim me gjendjen që ka diktuar atë”.

Unë, nuk e kam për zakon të komentoj vendimet e gjykatave, edhe për shkak të profesionit, por kryesisht për qytetari!

Por pyetjet e mia si qytetar i Republikës, si jusist, si pedagog, si prind janë:

- Ndërsa respektoj (pavarësisht se nuk bie dakord) vendimin e Gjykatës Kushtetuese, deri kur në Shqipëri armët e çmendurisë së 1997 do të vijojnë të marrin jetë të pafajshme?

- Edhe sa jetë të tjera duhet të shuhen, në mënyrë që Nisma për Dorëzimin e Armëve të shihet me vëmendjen e duhur; të rivendoset në vëmendje dhe të shoqërohet me ASHPËRSIMIN MË SERIOZ TË LEGJISLACIONIT KUNDËR MBAJTJES SË ARMËVE DHE MUNICIONEVE LUFTARAKE - PA LEJE?

Ndryshime në Kodin Penal (edhe një herë) apo Ligj i veçantë për armëmbajtjen pa lejë, pak rëndësi ka në këndvështrimin tim!

Rëndësi imperative ka serioziteti me të cilin duhet trajtuar fenomeni që nisi në 1997 - për të cilin nuk u dënua askush nga ata që sot bien në shoshën e vettingut si daci në kos - e që prej atëherë ka marrë me mijëra jetë njerëzish!

Në emër të jetës, përtej politikës, duhen ndërprerë pushimet e duhet vepruar urgjent!!!