Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Vuan nga dy sëmundje, gjykata shpëton nga burgu dekanin e Elbasanit

Politiko 12 Qershor 2018, 11:50
Vuan nga dy sëmundje, gjykata shpëton nga burgu dekanin e Elbasanit

Gjykata e Elbasanit ka zëvendësuar masën e sigurisë për dekanin e fakultetit të shkencave –Humane Albert Riska i cili nga arrest me burg, tashmë është lënë në arrest shtëpie.

Në seancën e mbajtur një ditë më parë pa prezencën e medias trupa mbrojtëse kërkoi zëvendësimin e masës së sigurisë për shkak të gjendjes shëndetësore të  Riskës, raporton ”Faxweb.al”.

Burime koefidenciale bëjnë me dije se Dekani i akuzuar për korrupsion prej kohësh vuante nga diabeti, ndaj për këtë arsye një vit më parë ka prerë dhe gishtin e këmbës.  Po ashtu të njëjta burime garantojnë se Riska kishte probleme edhe me gangrenën.

Duke shqyrtuar kërkesën dhe raportin shëndetësor, gjykata e Elbasanit vendosi zëvendësimin e masës së arrestit, duke e lënë në arrest shtëpie.

Kujtojmë se Dekani Albert Riska në bashkëpunim me shefen e departamentit të gazetarisë Elvira Lumi pedagogen e  fakultetit të ekonomikut Erjola Calja dhe 4 sekserë të tjerë u arrestuan më datë 9 maj nga policia, e cila aso kohe bëri me dije se personat e arrestuar në bashkëpunim me njeri-tjetrin në kohë të ndryshme, duke shpërdoruar funksionin publik, kanë kërkuar dhe ushtruar ndikim të paligjshëm në rolin e sekserit dhe pedagogut në Universitetin “Aleksandër Xhuvani” Elbasan për marrjen e notave kaluese nga studentet gjatë sezoneve të provimeve.

Ndërkohë tre ditë më vonë, gjykata e Elbasanit dha masën e sigurisë për tre pedagogët dhe katër sekserët e ndaluar për korrupsion. Katër prej tyre u lanë në burg, ndërsa tre të tjerët në arrest shtëpie.

Të fundit