Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

VV dhe LDK kërkojnë zgjedhje të parakohshme, mocion mosbesimi ndaj Qeverisë së Haradinajt

Politiko 22 Maj 2019, 17:41
VV dhe LDK kërkojnë zgjedhje të parakohshme, mocion mosbesimi

Dy partitë opozitare në Kosovë, Lëvizja Vetëvendosje dhe Lidhja Demokratike po organizohen për të zhvilluar një mocion mosbesimi ndaj Qeverisë së drejtuar nga Ramush Haradinaj.

Albin Kurti dhe Isa Mustafa janë takuar mëngjesin e sotëm për të diskutuar pikërisht mocionin kundër Qeverisë së PDK-së, AAK-së dhe Nismës.

Ky aksion i opozitës kosovare paralajmërohet se do të zbatohet në Parlament në ditët në vijim.

Reagimi i LDK-së

Kryetari i LDK-së, Isa Mustafa në mëngjesin e sotëm u takua me kryetarin e Lëvizjes Vetëvendosje, Albin Kurtin. Dy liderët e partive opozitare në Kosovë, diskutuan për organizimin e mocionit të mosbesimit ndaj Qeverisë së koalicionit PAN.

LDK, në nëntor të vitit të kaluar, kishte aprovuar Platformën Zgjedhore duke konstatuar se institucionet e dala nga zgjedhjet e përgjithshme të vitit 2017 nuk po e bëjnë punën e tyre në interes të vendit dhe të forcimit e të konsolidimit të shtetit të Kosovës, se Kuvendi i Republikës së Kosovës është bërë jofunksional dhe se Qeveria e koalicionit qeverisës nuk përfaqëson shumicën në Kuvend.

Rrjedhimisht, LDK vlerësoi se vendi duhet të shkojë në zgjedhje përmes votës së mosbesimit ndaj Qeverisë aktuale ose përmes shpërndarjes së Kuvendit duke kërkuar nga të gjitha organet e LDK-së angazhim të plotë dhe të gjithanshëm për zgjedhjet e përgjithshme të parakohshme.

Mustafa dhe Kurti vlerësuan se edhe përkundër faktit që grupet parlamentare të LDK-së dhe të LVV-së bashkërenditën aktivitetin opozitar kundër qeverisjes së dëmshme dhe një mori skandaleve të kësaj qeverie dhe të këtij koalicioni, situata në Kosovë po përkeqësohet. Korrupsioni i lartë, papunësia, nepotizmi dhe ikja e njerëzve nga Kosova janë dëshmitë më të mira se vendit i nevojitet qeveri e re e përgjegjshme.

Në ditët në vijim, grupet parlamentare do të veprojnë në organizimin e mocionit.

Të fundit