Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ylli Manjani me LSI i japin goditjen e parë paktit Rama-Basha, Kolegji Zgjedhor pranon kërkesën e tyre

Politiko 20 Qershor 2017, 12:11
Ylli Manjani me LSI i japin goditjen e parë paktit Rama-Basha, Kolegji

Kolegji Zgjedhor ka pranuar kërkesën e Lëvizjes Socialiste për Integrim që anëtarin e tretë të numëruesve në Grupet e Numërimit të Votave, për zgjedhjet e 25 qershorit, ta propozojë kjo parti politike.

KQZ vendosi që numëruesi i tretë të ndahej mes LSI dhe PDIU, ndërsa numëruesi i katërt t’i kalonte Partisë Republikane. LSI e kundërshtoi këtë vendim dhe e dërgoi çështjen në Kolegj.

Në Kolegj ishte ish-ministri i Drejtësisë, Ylli Manjani, ai që përfaqësoi LSI-në në çështjen ku relator ishte Gjin Gjoni.

Kolegji pranoi kërkesën e LSI dhe vendosi që numëruesi i katërt të ndahet mes PDIU dhe PR.

Pas marrjes së vendimit, Manjani theksoi se procesi është kthyer në shtatin ligjor. Ai kërkoi më shumë vëmendje nga mediat mbi KQZ, pasi sipas tij, këto vendime rrezikojnë të hedhin të gjithë procesin në erë.

“Kolegji e ktheu këtë proces në shtatin ligjor. Jam i lumtur që arritëm të motivojmë për të kthyer në shtatin ligjor procesin e numërimit. Kam autorizim tu them se numëruesit e LSI do të bëjnë punën për të dalë garant për votat. Mediat të rrisin minutazhin për KQZ pasi këto vendime mund të hedhin në erë të gjithë procesin. Në sallë u kërkua të merrej si kriter kush ka sharë më shumë qeverinë”, deklaroi Manjani.

Ishin PS dhe PD ato që vendosën t’i hiqnin numëruesin e tretë LSI, duke e ndarë atë me PDIU, por tashmë KQZ duhet të zbatojë vendimin e fundit të Kolegjit.

Të fundit