Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Yuri Kim: Korrupsioni dhe pandëshkueshmëria, pengesat që Shqipëria të jetë ‘magnet’ investimesh

Politiko 3 Mars 2020, 10:40

Yuri Kim: Korrupsioni dhe pandëshkueshmëria, pengesat që

Ambasadorja e SHBA, Yuri Kim ka deklaruar se ndërsa ky vit është vendimtar për vendin sa i takon anëtarësimit në BE, tha po ashtu se themelimi i Prokurorisë Speciale dhe BKH-së është hap vendimtar, për krijimin e një SPAK-u funksional, që do të ketë një qasje proaktive ndaj hetimit të krimit të organizuar dhe korrupsionit.

Sipas Kim, Shqipëria duhet t’i japë fund korrupsionit dhe pandëshkueshmërisë sepse sipas saj këto janë dy pengesat që po e ndalojnë të bëhet magneti i investimeve.

“2020 është vit i madh për vendin tuaj dhe anëtarësimin e saj. Ndërsa bëni ndryshimet e nevojshme ne e kuptojmë se reformat janë tejet e rëndësishme dhe të vështira.

Reforma në drejtësi solli ndryshime me rëndësi, tani është koha që prokurorët të rifitojnë besimin e publikut, është një mundësi që të sigurojnë qëndrueshmëri dhe suksesin e reformave. Muajt e fundit kanë treguar se ka shumë individë heronj që u përgjigjen thirrjes për tu bashkuar sistemit të drejtësisë.

Themelimi i Prokurorisë speciale dhe BKH është hap vendimtar, për krijimin e një SPAK funksional, që do të ketë një qasje proaktive ndaj hetimit të krimit të organizuar dhe korrupsionit.

Shqipëria duhet të mbrojë shtetin ligjor, kjo nuk është një zgjedhje, është një kërkesë.

Kjo duhet t’i japë fund korrupsionit dhe pandëshkueshmërisë sepse këto janë dy pengesat që po e ndalojnë Shqipërinë që të bëhet e madhe dhe nga magneti i investimeve që duhet të jetë.

Në mirëpresim zotimin e shprehur nga e prokurori Çela për të nxitur mendimin strategjik në luftën ndaj krimit dhe për të përmirësuar efektshmërinë dhe kapacitetet e sistemit të ndjekjes penale.

Bashkërendimin është thelbësor për zbatimin e reformës në drejtësie.

Ju bëj thirrje drejtuesve të institucioneve që komunikoni me njëri-tjetrin, për të rritur aftësinë për të ta çuar drejtësinë përpara.

Dua të ndaj një citim nga një gjyqtar amerikan: “Prokurori është shërbëtor i ligjit, qëllimi dyfishtë i të cilit është që fajtori nuk duhet të shpëtojë dhe i pafajshmi s’duhet të vuaj. Ai mund të ndjekë penalisht me zell dhe duhet ta bëjë këtë vërtetë. Ndërsa mund të japë vendime të rënda, ai nuk ka lirinë për vendime të gabuara.

Ju bëj thirrje që të përdorni mjetet e drejta të reformës në drejtësi për të bërë të mirën për të cilën jeni caktuar. Mos lejoni fajtorët që të shpëtojnë dhe mos i lejoni të pafajshmit që të vuajnë. Shërbejini profesionit tuaj me nder dhe SHBA do qëndrojë krah jush”, përfundon fjalën Kim.