Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Zagani flet për median italiane: S’jam i lumtur për atë që po ndodh në Shqipëri. Pse Parlamenti do votojë kundër arrestimit të Tahirit

Politiko 23 Tetor 2017, 15:47

Zagani flet për median italiane: S’jam i lumtur për atë

Media Italiane “MeridioNews” ka intervistuar ish-oficerin e policisë Dritan Zagani, i cili ka hedhur akuza të shumta ndaj Saimir Tahirit dhe vëllezërve Habilaj.

“Nuk jam i kënaqur me atë që po ndodh në vendin tim. Mafia në Shqipëri është shumë e fortë”, kështu është shprehur Zagani për median italiane, duke shtuar më tej në deklaratën e tij, se është vetë policia shqiptare ajo që ka kontribuar për trafikimin e drogës drejt Italisë.

I pyetur, nëse Parlamenti të mërkurën do të votojë kundër Tahirit, Zagani u përgjigj se kjo nuk do të ndodhë.

“Parlamenti nuk do të votojë pro sepse Tahiri është vetëm një hallkë e një zinxhiri më të gjatë që nuk mund të bjerë. Sepse bashkë me të do të bjerë qeveria shqiptare”.

Rrëfimi i Zaganit:

"Investiguesit italianë më kanë bërë dhuratën më të bukur në botë, shprehet Zagani, dhe pse unë nuk jam i lumtur për atë ç’ka po ndodh në vendin tim. Prej vitesh jam larguar nga Shqipëria e mbi 4 vjet jam nën akuzë pa u bërë kurrë një seancë gjyqësore kundër meje. Kam nisur një jetë të dytë në Zvicër së bashku me bashkëshorten e 3 vajzat tona e nëse vendosa të largohem nga Shqipëria e bëra vetëm për familjen time.”

“Shqipëria mbetet kanali i privilegjuar i trafikut të marijuanës në Sicili”, shkruan, media italiane duke pyetur Dritan Zaganin se si kanë ndryshuar mënyrat e trafikimit të drogës.

“Deri më 2014, kisha shumë informacion mbi trafikun e drogës me kamion por dhe përmes detit, thotë ai. Kisha informacion dhe për transportin e drogës drejt Kalabrisë. Gjatë kësaj periudhe u transferova, dhe nga shërbimet sekrete informohesha se droga trafikohej dhe me avionë të vegjël turizmi. E është një rrezik i madh të transportosh 200-300 kg marijuanë në çdo udhëtim. Do mund të ndodhte vetëm nëse kishe mbrojtje në nivel të lartë.”

Përsa i përket korrupsionit në rradhët e policisë shqiptare Dritan Zagani shprehet se “problemi i vërtetë është kur forcat e rendit kanë lidhje interesi me narkotrafikun.”

“Edhe politikanët , tha ai kanë përdorur paratë e krimit duke financuar madje dhe fushata elektorale. Të gjithë e dinin e janë mbyllur sytë për të lejuar mbjelljen dhe kultivimin e marijuanës.”

Mbi ndryshimin o jo të kësaj situate në Shqipëri Dritan Zagani shprehet se “duhet mjaft kohë që të ndryshoj. Duhet një punë e fortë dhe nga ana e Europës. Mafia është shumë e fortë dhe baza e saj është droga”, thotë ai. Ndryshe zgjidhja e vetme mbetet revolucioni.”

Ndërsa sa i takon heqjes o jo të mandatit të deputetit të Saimir Tahiri, Dritan Zagani thotë i sigurt se “Parlamenti shqiptar do të votoj kundër, pasi Saimir Tahiri është vetëm një hallkë e një zinxhiri të gjatë që nuk mund të prishet . Pasi me të mund të rrëzohet dhe qeveria shqiptare.”

Kjo media ka qënë nga të parat që ka zbardhur përgjimet e prokurorëve italianë të cilat çuan në ekzekutimin e operacionit “Rosa dei venti” e në arrestimin e disa anëtarëve të grupit të trafikantëve të drogës i drejtuar nga Moisi Habilaj, kushëriri i ish ministrit Tahiri.

” Dritan Zagani , shkruan media italiane është detyrurar të strehohet në Zvicër në një vend sekret ,pasi në Shqipëri akuzohet për abuzim detyre e për përcjellje të informacioneve investigative në Itali.

Dritan Zagani ka qënë i pari që ka akuzuar ish ministrin Tahiri si i përfshirë në trafikun e drogës duke zbuluar dhe automjetin privat të tij, i përdorur për transportin e drogës nga kushërinjtë Habiolaj. I njëjti automjet citohet në hetimet e financës siciliane.

LEXO artikullin e plotë këtu